يازمان البلاوي من بلاويـك شبنـا = من بلاويك شبنا يازمـان البـلاوي
إن سكتنا مرضنا وإن هرجنا نشبنـا = في اعللنا من البلوى يحير المـداوي
صار دانا ومسموم الدوا من عربنـا = أفحص الدا وابرق بالدوا يا الرخاوي
من يعالج جربنا قبل يعـدي جربنـا = في بعضنا جرب حقدٍ وحسد وشهاوي
إن صفن القلوب وطوع العي طبنـا = الحساني تراهن يذهبـن المسـاوي
كل ما قلت مـن عـد قـراح قربنـا = حال من بيننا والعد وحـل ومـلاوي
يبست أرياقنا من بيرنا مـا شربنـا = والعدود البعيدة دونها الذيب عـاوي