السلام عليكم

> نظره حاده على عنوان الموضوع ويقول وش ذا ياكاكا ياوجه

المهم أنا إنسان فاضي وإذا فضيت أكتب أي شئ , لذلك تقبلوا هذرتي


متفائلة في زمن اليأس

شابه في مقتبل العمر , جامعيه , على الأغلب تخوض الآن وفي هـ الوقت تحديدآ أولى اختباراتها

أمضت ليلتها الأولى من الإمتحان وهي تفكر في مستقبلها الوردي وماسكه الكتاب بـ يد وتقطع أظافر رجلها بـ يد

وهي مالمست أظافرها من شهر , بس مسكة الكتاب تسوي أكثر

ع العموم , عادي , طاح الحطب وحلوة الحياة


السفير

شاب يدرس آخر سنه من الثانويه العامه , قايم من النوم وهو لابس سنّاوي ومن اللخمه تروش به

صلى الفجر غرب وهي المفروض شرق ماني قايل اللخمه وماتسوي

راحت أيامه وهو يحفر في قريحته ويدور قصيده في الكامري بس للأسف

ماقلنا شي , طاح الحطب وحلوة الحياة


ثرمداوي شقردي

عنده اختبار في الرياضيات ويذاكر كيمياء

وحاضر مباراة السعوديه يوم الإربعاء ويفكر في الإجازه ووش بيسوي فيها

ساحب على الإختبارات وأكبر همه وش بيكتب في موضوع "الشقردي يودعكم"

عادي , طاح الحطب وحلوة الحياة


نسناس

شايب راح عمره وهو يطعس ويمسك النفود من "طريف الحبل" إلين يوصل "أباسمري"

يوم كبر وعقل فكر أن عنده دراسه لازم يكملها

ليلة الاختبار فكر أنه يمارس عاداته القديمه "تنحير الهنود في الديره القديمه" وهو ماسواها له 15 سنه

يالله , طاح الحطب وحلوة الحياة


وينها عيونك

دخلت الإختبارات وبدت وهي مستلمه الفوتوشوب وفاتحه ويندو على منتدى التصاميم

وتفكر وش تستخدم أي خام في التصاميم

عادي , طاح الحطب والحياة حلوة


hamad

شاب جامعي راحت ليلة الاختبار عليه وهو ماسك الجوال

ويمشي على الأسماء ويدقق على خلق الله ويزعجهم يعني ماتذكرت الأصحاب إلا لما مسكت الكتاب

ماقلنا شي , طاح الحطب وحلوة الحياة


أتمنى لـ جميع الطلاب وأعضاء ومشرفي منتديات شبكة مدينة ثرمداء

كل التوفيق وإن شاء الله يطلعون بأعلى الدرجات وأرفع النسب

وإن خيبوا ظننا وسقطوا ولا عادوا دور ولا حملوا

عادي , طاح الحطب وحلوة الحياة

فمان الله

(فيس فاضي ماوراه شي)
تساتسا ايها الشاب الفاضي
عادي , طاح الحطب وحلوة الحياة
اليوم تم بحمد الله اخر اختبار وعطلت يعني لاشغله ولامشغله وانشاء الله مسنتره هنا 24على24
واشوا ان ختامها مسك



^^^
هذي حالتي بالاجازه

قصيميه

خلصت اختباراتها وبينقلب نهارها ليل وليلها نهار

أهلها معد هوب شايفينها لأنها بتصير عكس التيار , وهذا حال أغلب السعوديين

بس وش نقول , طاح الحطب وحلوة الحياة

وآلوووم نفسي ليــه آدخل النت وآنــآ توني بآدي الإختبــآرآت


موآضيع كــآكــآ تخليــك تنسى جو الإختبــآرآت يلبى ـآآ قلبــه وموآضيــعه


عــآدي طــآح الحطب وحلوة الحيــآة ....:

كاكا ريحتك بلوت
عادي الحياة حلوه
سلفح الحطب
يالبى خراطيش تسبدك
يلوموني في مواضيع تساتسا

عافكـ الخاطر

ماتدري هو بـ معرّفه يناقش سالفه صارت له صدق ولا أنه تقليد أعمى

والأغلب أنها الثانيه

ماقلنا أي شئ , طاح الحطب وحلوة الحياة

كاكا وما إدارئك ماكاكا
عضو شقردي سنافي راعي موااااضيع خطيره وعناوين أخطر
عادي طاح الحطب وحلوه الحياه

hamad , نسناس

الحياة بـ تحلآ دام أن فيها هـ الإثنين

حمد وش جوك بس احمد ربك أنك ماحظرت , يارجال حر وموت وطلعة المنتخب

بالله هذا شي تحسدنا عليه

أما مواضيع كــدش , أكيد أكيد الكل ينتظرها ههههههههههههههههههه

مشكورين ع المرور يا "حلا الحياة"

كاكا

شاب فاضي لا شغل ولا مشغله حياته مقلوبة رأس ع عقب .. رآحت حياته وهو يلعب بلوت لدرجة كراتين المناديل ما سلمت من نشرة البلوت

شاب عطالي بطالي وهذي نعمه من ربي زمين ما يصير عندهـ مصروف لأن لو معه ريال كان ماردهـ ولاشي في عالم الرذيله


شاب عاش وجرب كل مراحل العـمر بحيث أنه متقنص كذا شخصية <-- للتوضيع رآجع موضوع الألفيه

من الفضاوة اللي يعيشها وخآصة في هالحزة حيث أنا أبناء جلدته ملهيتهم الدرآسه ..

يحآول يجذب إليه الإنظار بأي وسيلة من ردودهـ في الرياضة وتقفيل المواضيع ههههههههههههههه الى كتابته هينا

ولا بعد يقولون والعهدهـ ع الراوي أنه يوم ينشاف بلوك كدشني ومره كبوريا<-- من وين طلعتيها ومرهـ يمشي ببرمودا متسلفها من نسناس

ومرهـ بطيحني ومرهـ يتسلف بدلة الحربي ويزيد عليها ربطة عنق يعنني ترآني آخر زقرته ياعيني يا عيني يا تسبدي <-- السفير شوي


تصدق يا كاكا ومالك علي حلفان أن مخك مسلفه للشيطان يامهبول هههههههههههههههههههههه

بعدين تعال منتب ساهل يا الكاكا ذا المره صدق نروح لعنوانك شفت العنوان وقلت أخس والله كبرنا يا مهلهل وصرنا نكتب في مواضيع تلامس حياة الأسرة

حيث يكثر الشجار بين الزوج وزوجته هههههههههه أجل طاح الحطب وحلوة الحياة الله ينسخ باقي عقلك إن كان فيه باقي

وبعدين لعنبو غيرك هذا هو أي شئ كاتب معلقه اسمن منك وتقولي أي شئ .. اجل لو انه موضوع مأنتك ومظبط وفيه من الشغل الوردي زي أحلامي مالله به عليم لله درك يا زلابة القوم اجمعين ؟!

تنويه ::تعديت بعض السطور عنوهـ < ركز انها عنوه بس رآجعه بإذن الله بس ماحبيت موضوعك يسير علي في بيتي و ما أوقع عليه

أنا وعيارتي قادمون وبقوه على قدم وساق

ورغــم هذا كله الحطب طاح والحياة حلوة


نقطة تمت ..~

الدانه

حمراء من بعد ما كانت طحلبه صغيره

يسمونها الأم الروحيه لـ المنتدى وأنا ما أسمع شئ إلا وأردده على أني ما أعرف معناها

بس يالله , طاح الحطب وحلوة الحياة

كاكا الخشب عندك واجد كلن قام
يجدعه وأنا خابرن زلابه يعمر ويدور
خشب وأنا مافزعتله الا عشان اذا
جا تالي الليل لبقت خجمتي التستن
خمسه وسبعين بدون قزاز وسرقت
تسم شليخه وأربع مرابيع بزين
ملعب في حارتنا اتميدح به قدامهم
بسوي موهيم يعني لو قلت عطني
تسم خشبه بتقول مهنه ومعصي بجيبها على
راس راعي العماره عشان تلاقط
انت وياه وتتهمه بالسرقه ولك علي
اني ما افككم لين يغمى على واحدن
منكم عقبها بشكي الشرطه تحوس
مريرك بتهمة الأعتداء على النفس
ومحاولة سرقه بستخدام القوه
عشان ازورك بسجن الملز
لأنك من كبار الطحالب واقولك
ان الحياة حلوه
موهوب نذلن ابد
انقل المقرفون
الى متفائله اليتس
هذيه ايماتهذات واملحيه او بالمبشره
اسرع مشيوفن في شاع العصارات
قبل جريمته
بسحيه بنيه وطربوش وكنادر إيدي داس
وكاس عصير قصب بليمون ابو زهيره
ابوك يالدلع
عندتس إياه هماه

وش جوتس بس ياميتو

يـ امي خلاص من عقب الدروس ومن عقب مزاملة نسناس وروحتي أنا وياه نستاجر عزبه من الديرة القديمه لزوم التعليم

خلاص صرنا راعين عناوين غير شكل حتى أن كدش يكلمني يقول يبوي أي موضوع ينزل أنت اللي تحط العنوان قلت له معليك يبوي بس وش جوك 5345 موضوع أو ماشابه

بعدين ترا الفضاوهـ تشترى ياوجه , أجل زي هـ الجحلط اللي كل يوم اختبار وشغل غير كويس

واحد يترجى أستاذهم كمال ويقول له أعطيك الكامري أسبوعين وعلي البنزين كل هذا مشان قطعة 6 أسئلة و30 درجه

ولا الثانيه ماجلست مع أمها حصه لها 4 شهور وآلحين تتلزق فيها مشان كم دعوهـ تطرق باب السما

وش الله حادنا , خلينا فضاوه ياكويسه وشغل كتابة مواضيع وسواليف مع نسناس وكل واحد يتسذب ع الثاني

بعدين تعال نسناس

يا حبيّبي يا بعد شكمان بليهان أنت وش الحل معك

مره تجينا بـ تنسيق وألوان وشغل نظيف , يمين بالله يُشعرني أنك أنت اللي مخترع الإنترنت , ومرهـ تجينا بـ كلام متاهات والله ماتفهم أوله من آخرهـ بس ولو يجي منك

بس أنا اللي فهمته أنك تبي حطب , صح ولا ..؟

شف ياحبيبي الحطب ما وُضع في هـ الدنيا إلا لـ حاجتين

قلت لي وشي ..؟

الأولى زي ما قلنا نطيّحه ونبيعه لـ العرابجه ونجلس أنا وياك في عز القايله في السويق ونفلّق الهنود ونغني نقول "طاح الحطب وحلوة الحياة" وكدش يروّس وأنت تموّل

والثانيه طال عمرك خله تحت المرتبه وأي واحد يجيك عريض المنكبين وتحس أنك ما والله تشتغله بـ يديك العاريتين ولازم شوية مساعده , عاد هنا يجي دور الحطب

لا لا فيه ثالثه توني أذكرها

الثالثه ياطويل العمر إذا حكتك يديك ذاك اليوم وتبي تصور هندي يطق إثنين > ترا مهوب كاكا وشقردي

المهم هذي طول الله عمرك يصلح فيها شغل الحطب

أقول نسناس

أنا بمشي لـ ساجر حيث ان يدي توجعني من الكتابه وفيذاك واحد خبري به يعرف لـ التنفس الاصطناعي , تخاويني ..؟

الحطب سلفح , ويازين الحياة

هههههههه حللللوه

بس شلون طلعت طاح الحطب،،، حلوه الحياة



على العموم <<<< وجه فاطسن من الضحك


تشكر على هالهرجه يا تساتسا

ههههههههههههههههههههههه

خلوهـ مع النفس + شوية فضاوه

وطلعت هـ الجمله