السلام عليكم
تدرون وش متحسف عليه ,, متحسف على أني كاتب رد في موضوع "توقع وكسب"
متوقع النتيجه صفر - صفر , ورجعت عدلتها بعد خمس دقائق , ياحسافة التعديل 
ع العموم
أنا قلتها من قبل , تأهل المنتخب أهلا وسهلا والله يوفقه في المونديال
لكن إذا ماقدر يتأهل وفي الإستاد وأمام هـ الجمهور وقدام كوريا الشماليه مع احترامي لـ تطورها , إذا ماقدر يتأهل وهو متسلح بـ هـ العوامل المساعد له
فـ إذا جينا لـ المونديال قدام الرجاجيل , وش بيسوون ..؟
المباراة باب واحد , لكن بدون فاعليه في خط الوسط
في الـ ربع ساعه يوصلون لك كوره وحدهـ بس , الهجوم عليه لوم لكن اللوم كله على خط الوسط
وعلى الأظهره , تحديدآ عبدالله شهيل اللي ماشفنا له طلعات هجوميه أبدآ وأنا كنت أتمنى وأتوقع أن بيسيرو يُخرج عبدالله شهيل ويحط حسن معاذ مكانه
تخبطات بيسيرو
بيسيرو أمس ماكان بيسيرو اللي نعرفه , تبديلاته ماكانت في محلها أبدآ ولا بـ أي فكر وأي منطق تُخرج خالد عزيز وتُدخل صاحب العبدالله
محور دفاعي بـ محور دفاعي قدام فريق يدافع بـ عشره , وين كان تفكيرك يابيسيرو ..؟
إخراج عبدالرحمن القحطاني وإدخال محمد الشلهوب , الشلهوب اللي احتياط في فريقه كيف بالله تدخّله وفي مباراة حاسمه زي هذي , وين كان تفكيرك يابيسيرو ..؟
ياسر ليش يطلع , بغض النظر عن مستواه في المباراة لكنه ماكان أسوأ السيئين , أمام كوريا وفي أرضك وتحتاج لـ الفوز لـ التأهل لـ كأس العالم
فـ بالتالي تحتاج لـ كل لاعب يجيد الأدوار الهجوميه , ليش ماتطلع الزوري السئ وتخلي حسين يغطي محله على أنه ماعاد بقي وقت , تغطي مين وتخلي مين إذا هم كلهم متكين عند بابهم
**
ياحسافة هـ الجمهور وحضورنا في هـ الحر , لكن والله بيني وبينكم ما ألوم اللعيبه "كلهم" لأن اللي قدامهم مايلعبون كوره
**
طالعنا كاتبنا المميز زامــل بـ موضوع أقدر أقول عنه "كبوة جواد" ويمكنها لحظة غضب على بعض اللاعبين ويبدو لي أنه كان يشوف بـ عين وحده حيث كان كل حديثه عن نادي واحد وكأنه نسى أن منافسات الأنديه انتهت وأننا في لحظة المنتخب
**
جمهورنا والله غبي ياناس , واحد يسأل فيه أشواط إضافيه وواحد يقول جملة لأخوياه خلتني أنسى هم المباراة وهي "حطوا هدف" وفوق هذا كله , أثناء نشيد المنتخب الكوري كلهم أوووووووووووووو , الله يرحمها يـ الجمهور لكن والله الي شافهم مايلومهم
**
حسين عبدالغني وأسامه هوساوي , لبى العرب ياشيخ , والله ماتحس أن فيه لعب إلا إذا شفت هـ الثنائي , يحترقون لأجل الفنيله وقلة أخطاء ماشاء الله عليهم
**
عطيف أخوان وضحت فقدتهم اليوم وصدق بيسيرو يوم قال أني أعتمد عليهم بشكل كبير وأني أسميهم "تشافي وانييستا" بس مافيه مثلك يا أحمد عطيف
**
أمس وأنا أشوف مباراة إيران وكوريا الجنوبيه 1-1 كان متقدم الفريق الإيراني إلين الدقيقه 85 وأنا على أعصابي أبي كوريا تسجل ولله الحمد سجل بارك جي سونج هدف التعادل في آخر الدقائق ومكمن خوفي لأني متوقع الصراحه أن المنتخب بـ يتعثر
لاهنت يا بارك جي سونج
يالله بالتوفيق لـ منتخبنا في الملحق ويوصل لـ الحلم
المواضيع المتشابهه 
لا هــنــت يـ بارك جي سونج , وياحسافة التعديل .. 
رد: لا هــنــت يـ بارك جي سونج , وياحسافة التعديل .. 
العرض العادي
