كرسي الإعتراف - الصفحة 5

مستانس · 03-24-2009, 06:19 PM

المشاركة الأصلية كتبت بواسطة الدانه

هلا بالريفيه أخبارك قلبي أن شاء الله يكون مريح
بسأل سؤال واحد فقط لاغير
بكل صراحه مين الي ماتواطنينه من الأعضاء ومن العضوات من غير زعل

قسم بالله العظيم<==سيف ابو نخله على رقبتي

إني ما أكره أحد..بالعكس أحبهم كلهم..

وأنتي أولهم

ترى قلبي طيب..وعلى نياتي..والكره موب عندي..

مستانس · 03-24-2009, 06:22 PM

يالبي قلبك تكفين القلوب عند بعضها

أحلى تشجيع وصفقه قويه للريفيه

الريفيه هوه هوه

مستانس · 03-24-2009, 06:28 PM

لاتصفقين ترى أقوم أرقص..

<==على الريحه

ترى اليوم آخر يوم لي هنا..موب مثل نسناس اجلس اسبوع..

مستانس · 03-24-2009, 06:30 PM

لاوش دعوه عجبتينا بنمدد لك

كل عضو له يومين يعني أنتي بكره بس لاتنسين تختارين بعدك

مستانس · 03-24-2009, 06:41 PM

مايخالف..

بس بين العشوين ابنسدح لا احد يكلمني..
اللي عنده سؤال يجدعه ويروح..أو يحطه بشويش جنب كريسيي الين يأذن العشاء
وأبقوم ارد عليكم كلكم..

وإذا شفتوني متقنفذه من البرد..انطلوا علي شرشف الصلاة..

الاوسمة · 03-24-2009, 09:43 PM

يؤيؤيؤيؤ الريفيه موجوده وأنـــا ماأدري..
صحيتي والا لسى نايمه..
عشان أقولك أسألتي..؟
اممم
ودي أسألك أسأله تطلع عيونك اذا شفتيها عشان أخذ حق نسناس منك..<<== انتي وش دخلك في نساس..
1/ ماهي أمنيتكـ..؟!
2/ماهو شعورك و(انتي ) على كرسي الأعتراف ؟؟
3/ سؤال .. للي مايعرفك ويبي يعرفك نبي نعرف نبذة بسيطه عنك ؟؟
4/ وش رايك في المنتدى؟
5/ من العضو اللي تتمنين ( تشوفينه ) ؟؟
6/ عضو [ ترتاحين) له؟؟
7/ صفة (تكرهينها) في نفسك..؟؟
هذا اللي في بالي الحين إذ تذكرت شي أكيد اني برجع..

مستانس · 03-25-2009, 06:27 AM

/ ماهي أمنيتكـ..؟!
إني أكون مضيفه..على الخطوط الإماراتيه

2/ماهو شعورك و(انتي ) على كرسي الأعتراف ؟؟
وناسه..أنا جالسه وكلكم واقفين..

3/ سؤال .. للي مايعرفك ويبي يعرفك نبي نعرف نبذة بسيطه عنك ؟؟
أنا بنت شيوخ..ترعرت في بيئه محافظة..

أهم شيء في حياتي سعة الصدر..
طيب قلبي..
أحب الأكل..
مفهية بدرجة كبيرة جداً..

أحب طلعات البر..والكشتات..
أموت في شيء إسمه مقلب..وتخويف..

هذي اهم مواصفاتي...

4/ وش رايك في المنتدى؟
حلو..وأحبه..

5/ من العضو اللي تتمنين ( تشوفينه ) ؟؟
عاشق

..صورته الرمزيه مغناطيس تخلي الواحد يفكر مليون مرة من اللي خلفها..

6/ عضو [ ترتاحين) له؟؟
نسناس.

غثيته المسكين..نتفت ريشه والله مايستاهل.

7/ صفة (تكرهينها) في نفسك..؟؟
العجله..والرجه..واتخاذ القرار بدون ما اسمع آخر الكلام..

اقول تحدوها اعقلي وروحي دوري لك شغل غيري..
وش رايك تنظفين غرفتك عقب العج..

مستانس · 03-25-2009, 09:06 AM

الريفيه على الكرسي

عقبال كرسي شاعر المليون ههههه

طيب الاول :

طبق تحبينه بس ما تعرفين تصلحينه ؟
الثاني :

مدينه ودك انك تعيشين فيها للابد ؟

مستانس · 03-25-2009, 10:05 AM

هههههههههههههههه
يآ ليل ـآلخبآآال ههههههه تقول ونآآآسة ـآنآ جآلسة وـآنتم وآآقفين
ـآحمدي ربك ـآليوم مآآلي نفس ولآ حشرتكـ ـآلين تنسد نفسكـ
الأسئلة
وش احلى شئ فيني ..؟ >>>>> بخليها تحفر
وش تتوقعين ـآسمي يكون ..؟>>> حفر
وش يعنيلك ـآلعديم..؟
تحدوها ما تضحك الا منك هذا دليل على ... >>> جآآوبي
ـآلريفية لآ تزعلين مثل ما قلتي فرفشة

مستانس · 03-25-2009, 10:33 AM

المشاركة الأصلية كتبت بواسطة الـعـديـم

الريفيه على الكرسي
عقبال كرسي شاعر المليون ههههه
طيب الاول :
طبق تحبينه بس ما تعرفين تصلحينه ؟
الثاني :
مدينه ودك انك تعيشين فيها للابد ؟

هلا وغلا...
يالله إنك تسلم هالكريسي اللي خلاني أشوف وجيه ماشفتها مبطي..

أما الطبق اللي أحبه بس ما اعرف أصلحه..فهذا مايتعدى قدر مرقوق بالقرع..
يا أنا أموت فيه بس مستحيل أصلحه..
تبغى الصدق كل مابغيته شحذت أميمتي..وإلا لو إني أبغاه وما القاه كان تعلمت أصلحه..
كايده عاد إنك تبغى تآكل شيء وتعجز تصلحه<=وأنتي ماتعرفين تختصرين الإجابات لازم تسردين المسبح

مدينة ودي أعيش فيها...الصدق
ودي بثرمداء..ونيسه واهلها شويين وحبوبين..

فوتك بعفيه

مستانس · 03-25-2009, 10:47 AM

المشاركة الأصلية كتبت بواسطة لآهنت

هههههههههههههههه
يآ ليل ـآلخبآآال ههههههه تقول ونآآآسة ـآنآ جآلسة وـآنتم وآآقفين
ـآحمدي ربك ـآليوم مآآلي نفس ولآ حشرتكـ ـآلين تنسد نفسكـ
الأسئلة
وش احلى شئ فيني ..؟ >>>>> بخليها تحفر

وش تتوقعين ـآسمي يكون ..؟>>> حفر
وش يعنيلك ـآلعديم..؟
تحدوها ما تضحك الا منك هذا دليل على ... >>> جآآوبي

ـآلريفية لآ تزعلين مثل ما قلتي فرفشة

لو سمحت لاتقول ياليل الخبال..
ما اسمح لك..
قول ياصباح الخبال.

.ترى الساعه عشر الحين ..تو حنا في الصبح<=خالصه مافيها عقل

أحلى شيء فيك إنك قريت موضوعي ورديت عليه..

لاعاد تبغى الصدق اسلوبك يجنن..شكلك مفهي درجة أولى..غطيت علي

على العموم ترى هذي مدحه..يعني انا أقدر الفهاوه..والهبال

<=أحد سآئلك

س2/
اتوقع اسمك يكون..إذا أنت مولود في ثررمداء..مايتعدى محمد عبدالله عبدالعزيز عبدالرحمن ..
وإذا أنت من برى ثرمداء يمكن صالح ..أو خالد او ابراهيم..
<=وش دراني عن إسمك قاطعه سرك أنا

وبعدين كرسي الإعتراف تسألني انا موب أنا أسألك..وأخمن إسمك..

س3/العديم عضو مثالي ومحترم..ويفرض وجوده بقلمه وأخلاقه<=ماتحس إنو موب أنا اللي مجاوبه مايناسب لي العقل

4/دليل على إنها تقدرني وتحبني..
الجد..الجد..لأنها قد شافتني وشافت جنوني بشكل مباشر..
ياخي البنت تحبني..وش حاشرك بيننا

فوتك بعفيه

إلا مار وش فيك نفسك منسده..عسى ماشر..؟؟

الاوسمة · 03-25-2009, 04:44 PM

سعآل سعآل .. وش آسم ولد عم جدك

الاوسمة · 03-25-2009, 08:32 PM

س1/ هل ندمت في حياتك على شي معيّــن ؟؟!!
س2/ ما هو تعريفك لمايأتي..؟؟!!
* للمجنون..
* العاقل..
* المتكبر..
* المتواضع..

مستانس · 03-25-2009, 08:44 PM

الريفيه تبيني أجاوب عنك ترى ماعندي مانه أبد

مستانس · 03-25-2009, 11:57 PM

يالريفيه ماشالله الجماعة ماخلولي شي
انا ماعندي سعال بس داخله اترزز وافحط شوي
واذا جا سعالن زوينن ببالي جيت وحطيته جنب الكرسي بحطه بكيستن حمرا اعرفي انه مني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الضحية 17 من كرسي الإعتراف	أسير الأحزان	المنتدى العام	122	02-13-2008 04:48 PM
كرسي الاعتراف الضحيه التاسعه	أسير الأحزان	المنتدى العام	36	11-05-2007 03:16 PM
كرسي الإعتراف .... بس شامل لكل الأعضاء ...	شرشبيل	حارة الإقلاع والعياره	64	09-18-2007 01:16 AM
كرسي الاعتراف الضحيه الثانية	ولد الديرة	المنتدى العام	82	08-31-2007 07:07 AM
كرسي الإعتراف....	محمد	منتدى الترفية	2	02-07-2005 07:07 PM

الذين يشاهدون محتوى الموضوع الآن : 1 ( الأعضاء 0 والزوار 1)