<< الرياضه للجميع

السلام عليكم

على طاولة الصف السادس الابتدائي يقبع رجل هناك ترف شواربه
علامته بكاريه
وتلوح يمنة ويسرة في يده اليسرى سلسلة قوامها 2 متر
يبلغ من العمر 28 ربيعا

مخشوشن الصوت
متذوق الى ابعد حد للفن القديم من بشير الى فوزي محسون مرورا بوحيد الجزيرة فهد بن سعيد

لدرجة انه في حصة القواعد أمثلته ( خرش ابن سعيد العود ) و ( وأصج من السهيلي )

متابع وبقوة للسياسة والاعلام الغربي يروح نخارير مع باريس هليتون


ما علينا

هذا الرجل لابس السروال القصيرة ( السناوي ) كما يحب أن يطلق عليه
يرى فيه نفس الزهو عندما تهب شماليه وهو ما عليه الا سروال سنه وفنيلة علاق
متجيود لابعد درجه حتى أنه يأكل عسكريم أبو علك في الشبط ( عز البرد )
قبيح لدرجة أن اهل الديرة لا يجدون الا فارق واحد بينه وبين الحماره

في يوم من الايام وبالتحديد انتصافة العصر وأنحن جالسين عند محراب المسجد نتشرق وسحلة يمتسح من الاحمر زقارة في ظهر زقارة ولو بحلف انه لو يكن وحده صلينا عليه المغرب
انا ابخص ربعي يحبون التميدح
المهم وانحن عند المشراق والهواء شمال تشخف شخف الحمير ونشوف ذا اللي مقبل طاق البكاريه ويده اليسرى تحفر ارتواز عميق في خشمه يوم وصل عاير المسجد وهو اللي يمش يده في الجدار _ ما عنده احترام ولا شي _ والصدق اني ما الومه الجدار أحرش يساعد

يوم وصل سلم وقال لسحله زقارة يا سحولي << اكبر مصلحجي في الشرق الاطرف

المهم خذ له مزه واتبعها زفرة اهتز لها البرسوبس << شجر عند المسجد

قلنا احول يا سكرة والله لو ان في صدرك قدر كاتم < الا على طاري القدر الكاتم من يخبر لي بلف قدر كاتم باللي هو يبي

قال ما تدرون والله وين الغنم ذالف
قلنا هاه سكره عساك بتنجح << تدرون ليش سألته وراك بتنجح والمفروض نقول عسى منتب بتسقط , لان سكره معودنا انه ما يبي ينجح ابد تدرون ليش عشان ولد الهوى معه في الفصل

قال لا والله ابا اسقط
قلنا طيب وش المشكله بالعكس هذا شي يفرحنا ويفرحك واحلى تكحيل

قال لا يا أصدقائي << متأثر بإفتح يا سمسم

خلاص انا ودي انجح وأحقق أحلامي والتفت لعمري يكفي 22 سنة في الابتدائي
خلااااااااااااااص ابا البس سحيّة وام رقبة
وابا اتلبد
وابا اترك التتن
وابا اشتري ام حديجان
واغدي رجال

قلنا طيب ممكن يا سيد سكرة تعلمنا وش احلامك

قال ااااااااااح جيتوا على السطح

قلنا هاه العلم

قال والله حلمي كبيييييييير
ولا يصعب علي اذا التفت لعمري لاني اعرف عمري فيني جود مهوب طبعي في التعبير والرياضه والتدبير المنزلي

خلاص انا ابحقق طموحي

قلنا وشو طيب خل نساعدك

قال تدرون وشو

7
7
7
7
7
7
7
7
7
7
7
7
7
7

اصير مغني ( اوبرا )

عشان البس كرفته


شرق سحلة بالزقارة وانا يا عرزاله شقلته مع ربقة السنه وقلت امش الله يلعن طموح تعرفه اوبرا الله يبطشبك

امش حدر جدار الربض ونابح على كيفك

وعادت حليمة لعادتها القديم طق الثلاثين من عمره وهو يحفر في الابتدائي


<<< الى هالحين وهو يفلي

هههههههههههههههه

الله يوسع صدرك .............

مغني أوبرا..!!!!!!!!!!!!!!!!!!؟؟؟؟؟؟؟؟؟؟

منتب سهلن أبد مستر سكواراه << فلبيني متسعود

طيب. ممكن ترتب لنا لقاء مع هذاالأخ الطموح.. 20 سنة في الابتدائي شي يفتخر فيه الواحد

ههههههههههههههههههههههههه

وعادت حليمه لعادتها القديمه
مهوب حليمه اللي في الموضوع حليمتنا حنا عرزاله

يلعن أم الطموح
مغني أوبرا
بس تبي الصدق هاليومين .. مالك إلا هالطموحات ولا تبي تنهبل مثل اللي سبقوك
خله في طموحه بس ياعرزاله لياه يغير ويتطور شوي ثمن يحوس الدنيا لأن مثل هالأشكال إذا تطورت انهبلت زود

ههههههههههههههههههههههههههههههه ..

مييير طموحن يفخر فيـه

شكرآ لكـ دحلنـآ .. وترآكـ من بآتسر ع الفضوه

ههههههههههههههههههه
مشكور وماقصرت

ياهو اطمح شي شفته ياليت من مثله
شلقة غمر غمطه الا يوم شقلته مع
ربزته مارنعت نعفته فالأرض وصار
مودماني يربط عليه سرج
والله انك شكرآياخي

اتمنى تنسيق مؤتمر صحفي حتى نستفيد من خبراته الدفينه في جوف اعماقه يبيلها غطاس.موهوب مؤتمر شيكرآ شيكرآ

إبداااااااااااااااااااااااع


تسلم والله الله يوسع صدرك بالعافيه