في ليلة من ليآلي شهرزاد السعوديه كنت أتسدح وأتبطح وأطقطق في أصابع رجليني خاصة الأبهام أقشر مايطق وأنآظر في هالتلفزيون في فهآية غير طبيعية وأنآ أنآظر عجآيز وأتقهوى قهوه كآيفه حسيت بخشخشة وصوت كنه صوت ألفيس برسلي بس فيه بحة بديع مسعود وقلت بس هاذا ولد جيرانا الصغير ساكن عندنا الا النوم تجره امه مع علباه في الليل قلت هالصوت يمكن انه ولد جيرانا يلعب كيرم بس ماش كل ماله والصوت يزداد الا وأنا ألتفت ألقى كآئن حي يرقص رآب وشوي يقول لي صبي لي فنجآن وكنت حاطه الفنجال في خشتي وأصقع به الجدآر وأطمر فوق التلفزيون وأطقهآ سآمري من الروعه بغيت أستنزل وأصاعق وأصارخ ذيك الزعقه أمي ضعيفة الله تسمرت ركبها ماقوت تحرك وأخوآني تناقزوا وأبوي جآء من المسجد وولد جيرآنآ نشب في السقف
ويجحدوني هالجحده ويصكون علي الباب ويسدون فتحة الباب بشيلة أمي عشآن مايطلع هالكآئن الحي من غرفتي

أنتم منتبهين للموضوع؟
جرذي في غرفتي بس لآتضيعون مهوب بنغلاديشي جرذي أسود بس أنه صراحه عشان ما أظلمه يعرف يرقص راب شغل نظيف كنه مايكل أيام عزه بذيك الشوشه
‏ وأنآ في روعة من أمري أسمع سلسلة مفاتيح<شكله قاص سبير على كل مفاتيح افراد العآئله
‏ وهو يلعب بالسلسله ويقول أسمعي أنتي!
قلت هاه! تحاتسيني؟
قال شوفي أبعقد معك صفقه ولآ؟
قلت لآتكمل أنآ عآرفه وش بعد ولآ!
سم وش بغيت!
قال شوفي حركاتس ذي حمام لحالتس وحاقره أمتس وأبوتس وأخوانتس مايدخلون حمامتس وحاطه لي حاجز مقدر أعوقل في الحمام وأمارس هوايتي وهذا الشي مضيق صدري قلت طيب والمطلوب
قال أبتسدح وأتبطح في حمامتس ولا أشوفتس مقبله عليه! قلت معصي مابقى الا أنت ياجرذي قال كدا خلصت يامعلم<قلب مصري
وقال هيا ألى المعركه وارجع اطامر وازاعق وأفتح الباب وأصارخ في وجيه أهلي الجحده وأقولهم يالزلايب جرذي في غرفتي وأنتم زبنه قال أبوي عسى ماحارشتيه ولاطقيتيه تجرحين احساسه قلت أبد شوهت ملامحه وش طقيته وحارشته هو اللي شوي ويعلقني مع كراعيني قال أيه أشوى أنتي بصرتس ألزم ماعلي لايخرب أغراضنا ويحوس بيتنا قلت اقول ارقد بس!
ونجي في الليل ويطل علي جرذي القراده ويقول دي <يمون بغى يدخل النت معي ويشارك وقال انا أعلمتس منهو البنغلاديشي<حزت في نفسه
ويعضعض ويقرض ثيابي وجزماتي وألاها بدخلة الذيبه أمي والا معها قرانديزر<ولد جيرانا اللزقه وعصا وتمحطه ذيك المحطه ويعض ذيله وينحاش ويطل على أبوي ويقوله أنا أعلمك في حرمك ويقطع اسلاك الثلاجه والفرن والغساله وتقعد أمي تنافض طقتها صيحه كلش ولاهيتاشي غسالتها وهنآ خلآص جيت انا وأمي وقررنا ياأنحن ياهالجرذي في بيتنا وأتفق انا ومامي على طريقه نذبح فيها هالجرذي قالت أمي أقصري حستس تراه يفهم ونجيب ورقه وقلم ونرسم خطه ونطق صروال خط البلده ونعصب روسنا بشيلة جدتي سميره ونشخبط على وجيهنا<تنكر
‏ ونروح ونحدد مكانه ونصكك البيبان وارقى فوق الطاوله ومعي عصا المكنسه<أمحق أسلحه أحسن أنه يقول قم بس قم
ونحشره ويقعد يفحط ويتنكس على أنغام شعبوله ونحجره في الزاويه ونحدحده ونذب عليه المركى وأرقى أنا وأمي على المركى ونقعد نطامر الين سمعناه يقول أعتقوني ياكاملات الدسم<مايقصد بقر أبد
قلنا ماعلينا ذابحينك ذابحينك ثوبي العيد وقرضته وغسالاتنا وثلاجتنا وفرننا
ونرفع المركى ونلقاه مطلع لسانه ومكتوب
جرذي مفسد في الأرض<قويه

وسوينا بارتي بمناسبه فطسته


الملاحظات
نبر ون
حط لسان على فتحة الصرف الصحي
نبر تو
خل عندك دبره وحط عندك صياده جراذي ولاشمع فيران بدال هالحدحده وهالمطامر

نبر ثري
لا تخافون ولاتخططون وهو يشوف لأنه يفهم<نصيحة أمي

نبر فور
وش رايكم في قصتي موقف وصار لي وقصيته عشان أشجعكم تقصون وتشاركون
ياحلوين

القصه حصريه لحارة الاقلاع
عانته<ألماسه حساسه












































هههههههههههه هههههههههههههههههه

هههههههههههه


يامال العافيه

بنادول وراك راد دام مالك خلق
بس ماحطه بقصه وساعة أكتب وبس يامال العافيه انت بالذات احتري تعليقك حطمتني ياواد

ياااااااااااويليه والله صديقتي صارت كاتبه <على العازه فجر السعيد ...
والله فله ترى مغامرات الجراذي تهبل الله من قصه ...
وابشرك حطينا لسان ,,
وياحوبي لي أمك وومعلومته ,,ابشري بنطبقها ..أما ولد جيرانك يازينه بث ..
أقول شكله عيون اخوانك واهلك في حمامك عشانك ماتدخلينهم ..عاقبك ربي وجاك اللي ابرك ..جرذي بنغالي بعد..

وتسلمين يابعدهم ...والقصه قمه ..<مثلكــ ..
وتشكراااتـــــــــــــــ ,,,تقبلي مروري ..

وش رايتس نعرضها على عبدالخالق الغانم

شرط ان تحطين ناصر وعبدالله في ابطتس


كتابه وتمثيل وودتس تصيرين مخرجه بس اها بس اركدي كلن له حدوده انا ابي اصير مخرج





اجل يرقص راب والله شكل عيونتس هن اللي يرقصن راب من الروعه وتحسبينه الجرذي اللي يرقص



كله كوم وزي التنكر والشخابيط على الوجه كوم


يقول المثل " مثلتوا فلم اكشن قلنا ايه قال حطيتوا خطوط سودا على خششكم قلنا لا قال اجل ما مثلتوا "





يامال العافيه المازتنا < باغن انسى اكتبها

[quote=MESHAL;389569]وش رايتس نعرضها على عبدالخالق الغانم

هههههههههههههههههههههههههههههههه
بس خلينا نتشرط عليه مدام الكاتبه منا والممثلين يصرون من اعضاء منتدنا ..هع
والله ياالماسه كاتبه مبدعه...

اقتباس:

كنه صوت ألفيس برسلي بس فيه بحة بديع مسعود

ههههههههه ,,,

اقتباس:

وأطمر فوق التلفزيون وأطقهآ سآمري

ورى مادقيتي علي يازلابه , يعني مسويه ماتدرين اني اظيع مع الطق , واني راعي لعب >>> كفوك يالخال



والله يعطيك العافيه ,,,


وترا كثر الخنبقه مافيها خير >>> قلبت .......................

ياختس طاح كرتها فجر السعيد عقب الحياله والله لايحلله ذا الجرذي ان كانه خلاني أخنبق
امي تسلم عليتس وتقول أنا معتس عقوبتها ماتخلينا ندخل حمامها
حياتس صقيقتي

كلش ولا ألمازتنا
أقول ثبت الموضوع شجع المواهب يامشرفنا

مافيه مسامير وانا اخوتس


ان ثبناه محدن داخله يحسبونه قوانين


خليه هنا ازين واسمعي نصيحتي

هذا علمك يامشعل
اقول الناجح محارب دوما<هع

تقلبت عيوني من طول القصه
يعطيك العافيه خيتو

الماسه اشوا انك من حقين الدور الثاني


يثبت الموضوع خلاص عيديتس ذا السنه

كفو يامشعل بس وش من حقين الدور الثاني مافهمتها<عقلي على قدي

يعني قبلتس راسبه


قلبنا الموضوع سوالف الله يهديتس خلاص اصصصصصه