أبو زهيره مفسر الأحلام ! يمنع دخول الأطفال والمغاتير

بـنادول · 08-06-2008, 07:20 AM

22 حزيران 1364 هجريه شمسيه
الموافق 24 الجوزاء 16 الهنعه

عطله للتعطيل !!

عطله للعطالة أسمى آيات ( الملل - الفراغ – الكآبة )

السلام عليكم ورحمة الله وبركاته

ابوزهيره مفسر الأحلام

الموضوع برعاية ..

خلاطات GROHE المكيفة

تمتع بالماء البارد أثناء استحمآمك حفاظاً على جلدك

أعزائي المشاهدين خلف الشاشات ..

عفوآ .. عفوآ

آسف أقصد أمام الشاشات

أيها الشآبين والشآبات

حضرات المقلعين والمقلعات

كيف حالكم .. واحوالكم المدنيه والجويه ؟؟

تصدقون عندي معلومه جديده وغريبه !!

تدرون وش هي ؟؟

فكروآ شوي !!

خلاص يامتنحين لا تفكرون وشوله تتعبون مخكم

بقولكم وش هي المعلومه ..

7
7
7

@#%##%*^&^)(_+_&%^%$#@!ّّ!@#$%^&*)( _()*&^%$#@!+ ......... بس

عاد انتبهوا لاتعلمون احد ههههههههههه >>>امسحوها بوجهي هالمره

إيه وش كنت بقول !! ..

بطل قصتنا اليوم هو إبن آخي وحبيب قلبي أبوزهيره ..الله يجمع شمل ما تفرق عندهـ ..

قولوآ بصوت وآحد .. آآآمين .. يآجعلني مابتسيكم

ابوزهيره مهوب تسبير في العمر .. حتى جواز السفر ماطلعه ..

بس من يوم ولدته أمه وهو ملامح قرد ..

الظاهر حتى يومه في ظهر أبوه كان ينعمم الدقن !!

كآن في المهاد .. شنب و سكسوكه .. حتى انه يوم يسجله أبوه في اولى ابتدائي محدد السكسوكه وهو يأكل علك << ياكبرها

و النفر وحبوب الشباب طلعت فيه عقب ولادته باسبوع ..

حتى الحريم يوم يزورن أميمته بالنفاس كانن متغطيات !!

والي قاهرني .. في العزايم مايتعشى مثلنا مع القلطه الثانيه ..

ولا عمره جرب الحواق مع البزارين

و يلقب بـ فتى الصحاري صائد السحالي ..

راعي بر وكشتات.. مايصدق متي يجي الاربعاء يبي يطلع البر ..

وأكبر همه .. بشروا عسى الشعيب سال ؟ الفياض ربعت ؟ النفود تلبد ؟

وكان زاحف ومقلع بكل ما تحمله الكلمة من معنى

السالفة سلمكم الله .. في ليله من الليالي المشرقة

وانحن تاكين بالملحق في بيتنا ...

ومتجمعين حول الوجار في (عز القيظ ) اللهم ياكافي .. أنا وإبن آخي أبوزهيره..

كان ابوزهيره متحضن بريق الشاهي .. ويعلف في حزمة جرجير حاصدينها من مزرعة في لبن ..

وكل ما خلص من ورقة جرجير ذب عودها في الوجار ..

وعلى هذه الحالة استمر ابوزهيره في رمي الأعواد حتى صار جو الملحق سحابه من الدخآن الأسود يذكرني بأفلام توم كروز مع نعيمه الصغير في شعيب الشمس ..

وصارت عيوني حمر كني شارب شآني وانا منسدح

قمت ومعطت مركى واضطجعت عليه .. وانا مضيع مدري وش السالفة << خارج الخدمة !!

سمعت أبوي توه داخل البيت .. وأشغل المروحه على رقم واحد .. وافتح بآب الملحق وأويدز عليه.. ويطمر له ابوزهيره (البثر) ويحب على رأسه عند الباب ..

ويلتفت علي أبوي .. وأناظره بطرف عين .. على بالي أبلخمه ..

قلت وراك متأخر ؟؟

قال إن كفر السيارة مبنشر ..

مشيتها له !! و قلت له مايخالف يالله أدخل غسل رجليك ... وتعش وارقد .. باتسر عندك دوام !!

ويقشعني ابوي ظفر.. وقمت وانا احك عصعصي من الوجع << الله العالم انه راجفني بووز

وكملت سهرتي انا وابوزهيره .. نقلب بقنوات الدش .. ونشوف هالبلاوي ونوونون

عاد أنا متعود أون على شي اشوفه ..

بس ذاك اليوم أون تقليد .. وإلا ما ادري وش السالفه ..

حتى مرات ( بتشديد الراء ) أغفي وأنا أون ... يدريكم إن مافي رآسي ونين ..

... فاصل إعلاني ....

(( مستشفيات ومراكز مشي حالك التخصصية ))

.... نحن بعون الله نرعاكم ....

صرح طبي شامخ

أيدينا الراعيه تمتد الى كل بيت .... و رجلنا الرافسه تصل الى كل رب بيت

نحن لانستخدم الفئران في تجاربنا

( الله يخليكم لنا نجرب فيكم )

يدخل المريض محمولا على سرير .... ويخرج محمولا على نعش

.... من إنجازاتنآ ....

تم فصل توأمين متلاصقين بنجاح..

فقد تم فصل رأس كل توأم عن بقية جسده

قسم خاص : غسيل كلى .. غسيل مخ .. غسيل سجّاد وموكيت .. غسيل بخار مستعجل

....... عدنا إليكم .........

ابوزهيره واقف قدام ستارة الملحق .. كانه ينتظر المسرحيه تبدأ

و هو يردد ..

جرجير يا درب العناء .. جرجير وش ذنبي أنــا ..

*
*

طحت تحتها مصفر ... قالت يا مليح إركد ..

وتجي عين ابوزهيره على كرتون تشكيلة الوان على التلفزيون ..

وتمسك معه يبي يدق على بقالة التوفير يطلب توصيل برايه << الله يعديها على خير

التفت على ابوزهيره وقلت خلنآ من خرابيطك وخنبقتك

يآخيي أنا دايم اشوف حلم إني اذبــح ( بــقــره ) !!

ويوم ذبحتها طلع الملك عبدالله وصكني كف على خدي الأيمن ..

بعدها طاحت إسنوني وإنرصت بدالها فصوص ذهب وألماس ..<< بس موب حسآس

وقاموا الحريم يتماعطون الفصوص من إسنوني إلين خلصت

قال ابوزهيره : لا حول ولاقوه إلا بالله .. ذبحك للبقرة هو معنى قتلك للوطنية ..

أنت متى آخر مره أنشدت النشيد الوطني ؟

قلت والله ما أذكر بس من يوم طلع الدش ماعاد شفت القناة الأولى

ضحك ابوزهيره وحسيت إنها مارجه منه .. قلت والله لا اطلعه على حقيقته ..

التفتت عليه مره اخرى وقلت دوك ذي .. مره شفت في المنام أن هيفاء وهبي تويدز علي وتأشرلي بسبابتها 3 مرات من سطح بيتها .. وانا اللي اشاهق من الفرحة .. وبغيت ارقى الجدآر

وقالت هيفاء .. انت يالماخوذ !! تؤبرني ..

(الطبول قدامك والعود من وراك )!!

وش تفسيرك للحلم ؟؟

قال أبوزهيره .. نعنبوا بليسك كل هذا فيك !! وجالس للحين .. وين أمك عنك ووين أخوانك ووين أبوك عنك ..

ما جاوبت قعدت ساكت وفيني البتسوهـ

قال : أنت في طفولتك دايم تتمنى تلعب مع بنات ..!!

كنت دايم اذا جيتا ينحاشون.. ولايلعبونك معهم ( تلفون خربآن .. وشبراا يا أمراا ياشمس نجووم ) ولا حتى يلعبونك معهم فريرهـ ..

ويسمونك النمنم

وما يعطيك وجه الا بنت الخباز المصري الي في آخر شارع الجرآديه .. دوبا كانها كيكه مكثرين خميرتها << كآنت كل ماقولها ابي كلمة حلوه قالت : طحينيه وكل ماقول ابي كلمة تهزني قالت : مرجيحه

وكانت تطقك البتسوهـ لاشفت أهلك رايحين للملاهي ولا ياخذونك معهم .. مع انك توك بزر

تجمعت هالاشياء عندك وسببت لك عقده نفسيه .. اسمها فقدان الطفوله

حاول تسترجع أي شي من طفولتك .. أو أدخل أي ملاهي ... سوي الي تتمناهـ ..

وخلك مثل الشاعر إلي اشعر عن ناقته .. تخيل هالشاعر ولد تكارنه !! وش بيكون محل شعره من الشهرة ؟

ويتلى علينا الليل .. ونويت اصرف ابوزهيره قمت وسألته على بالي بتميصل عليه ..

وقلت عندي سؤال أخير .. ليش الخبآز ما يلبس في يده ساعة ؟

رد أبوزهيره وهو مقهقهاً وقال : عشان مايخلي الدقيق يغآزل الدقيقة

خخخخخ

طلع ابوزهيره من عندي وفي آخر الشارع وقفته دورية وقالوا له ليش ماربطت الحزآم

قال : أصلن ما لبست بنطلون

ههههههههههههه

بص شوف .. المقلع ابوزهيره بيعمل إيه

يعيش أبوزهيره .. يعيش .. يعيش

وخلآآآص

هآه وش رأيكم فيه ؟؟

قليب غرير · 08-06-2008, 08:57 AM

هههههههههه<<<ههههههههه

ههههههههههههههههههههههههههههه>

هههههههههه<<<ههههههههه

هذا الشغل يا بنادول.. انت وينك مبطي؟ ما سجلت معنا في فصل أولى ب ؟

المهم

عندي حلم ابي ابو زهيره يفسره

شف يالحبيب

امرار ( مهوب مرات ) اشوف حلم يجيني ورا بعض ثم يغاب جمعتين ثمن يعود

اشوف ان معي سلاة انقب بها سنوني عقب ما ادبغ لي في سحلة حنيني مرشوشة بقفر برحي

ولا يطلع معي شي

ثمن اكود ثم تهدل حواجبي وتطيح في شدزي

ثم آخذ حواجبي والزقهن بباتكس ثم يطيح على بيانو من فوق السطح وانا احاول انحاش عنه بس افرفر من غير فايدة

وانا اقوم بعدها ومخباتي كلها قواطي زيت فرامل

هاه؟

ألماسه حساسه · 08-06-2008, 10:18 AM

‏^
هذا والله أعلم أن أهلك بيقومون عليك ويفصخون خلاقينك <اقطعوا المشهد
وبينقعونك في زيت خروع فيه قطرآت من عصير العبري وذلك لأسباب صحية بتخمك وتقلب جلدك وتشب فيك حكحكه وأهلك مابزوك ضاحي يبزونك فيك جرب<ياهوه على التفسير<ارجعي بس لموضوع الرجال<منهو الرجال
بنادول أنلحست أنا بسبة موضوعك وشذا الموضوع الآ منتهي بغليآن
بس ماتلاحظ أنك خشيت في البشوت والدقلآت<تبي الشر
اجل سنونه الماس بس مهوب حساس<أروح قوطي تونه في خشة قوطي في الشميسي عند بقالة المحيسن الله يرحمه

مخاوي الزعيم · 08-06-2008, 11:27 AM

هههههههههههههههههههههه
ههههههههههههههههههههه
ههههههههههههههههههههه
مشكور.....

طويل البال · 08-06-2008, 02:52 PM

هههههههههههههههههههه

اضحكـ الله حد1 سنونكـ اللي بها فص

...

المجــــــــازف · 08-06-2008, 04:48 PM

اللى اعرفه ان ابوزهيره ليمون ..وشلون طلع مفسر احلاااام ...

بنادول .. اضحكــ الله سنكـــ

ومشكور يالغالى ..

للظالم يوم · 08-06-2008, 10:48 PM

هاهاهاهاها
طيب كيف نتواصل مع معبر زمانه أبو زهيرة
عندي حلوم تروع!!!
بنادول تكفى لا تقاطعنا

بـنادول · 08-07-2008, 02:30 PM

حيى الله شيخ المقلعين قليب

يسلم عليك ابوزهيره ويقولك ..

مافيك الاالعافيه بس لا تفكر واجد تتعب مخك

كل هاللي فيك كوابيس من الهجوله في القوآيل

مشكلتك الوحيده في البيانو الي يطيح عليك وعلاجه بسيط لا تقعد تفرفر ولا شي

كل ما عليك حط علامة إكس x جنبك وبيطيح عليها

حيآك الله مره اخرى

ولا تصير مثل الرز نسمع عن اعانته ولا شفناها

بـنادول · 08-07-2008, 02:38 PM

ألمآسه حسآسه ..

حياس الله وياحبس للشر

===========================

مخآوي الزعيم ..

طويل البآل ..

المجآزف ..

للظالم يوم ..

حيآكم الله جميعآ والله يوسع صدوركم بالعآفيه

بـنادول · 09-09-2008, 08:03 PM

الله يعقللك يآ ابوزهيرهـ

والله لك وحشه يآ الدوب

عرزاله · 09-10-2008, 01:49 PM

اقتباس:

	بس من يوم ولدته أمه وهو ملامح قرد ..

توووف ماشاء الله

كآن في المهاد .. شنب و سكسوكه .. حتى انه يوم يسجله أبوه في اولى ابتدائي محدد السكسوكه وهو يأكل علك << ياكبرها

وش يعلج به ؟ اخبره يوم يسجل طايحة سنونه من الكبر ههههههه

اقتباس:

	هآه وش رأيكم فيه ؟؟

خل ابا اتتان انا وقليب هههههههههههه
بندول انت شخص خرافي < البارح سامعها من درس الطنطاوي عقب المغرب

سلمني على ابو زهيره

منبع الثلج · 09-12-2008, 02:45 AM

اذكر انى قد رديت
ايه قرشع يامقرشع

MESHAL · 09-12-2008, 06:39 AM

منبع مافيه ولارد محذوف تاكدي ياخاله

منبع الثلج · 09-12-2008, 06:45 AM

صرت وأهمه

22 حزيران 1364 هجريه شمسيه
الموافق 24 الجوزاء 16 الهنعه

اموت على عيد ميلادك ياشيخ اروح فطيس

بطل قصتنا اليوم هو إبن آخي وحبيب قلبي أبوزهيره ..الله يجمع شمل ما تفرق عندهـ ..

قولوآ بصوت وآحد .. آآآمين .. يآجعلني مابتسيكم
اللهم امين
ياخى تراى مااحب الدعايات الواجده
تضيع الوقت

الله يكفيك شر الجرجير وانا اختك تراه سلاح ذو حدين

اجل هيفاء تاشر باسبابه ؟مش خشتك بنت الخباز ولابغتك ..
ياساتر فقدآن طفوله..؟ ماظنتى انها طفوله خخخخخ
مالهم حق مايلعبونك فريره ..! ادرى انها هوايتك الفضلى مع تقريص القروصه
الحمد لله على العقلان ياالنمنم

MESHAL · 09-12-2008, 06:51 AM

بنادول نجي لموضوعك

كنت دايم اذا جيتا ينحاشون.. ولايلعبونك معهم ( تلفون خربآن .. وشبراا يا أمراا ياشمس نجووم ) ولا حتى يلعبونك معهم فريرهـ .. ويسمونك النمنم

انا كل الالعاب يلعبوني اياها الا بوبي

الحظر جاي من الهيئه مالي دخل

وعين سين صاد يقولون خطر عليهم

اما لعبة حريم اذكر اني قبل الابو ماقد صرت الولد

يعطيك العافيه بنادول