عرزاله والقوي سليّم

06-15-2008, 02:21 PM

درجة الحراره 64 < وشلون احط خمسه صغيره

النهار طول الحمار < جمله تدخلتي باب الادب وانا مغمض عين ومسكر عين

الفراغ حدث ولا حرج < الاخ سعودي اكيد

والصمله في المخباة < لا لا اكيد الاخ سعودي

والشر في المنحاة < قايل لكم وانا مغمض

جميع ما ذكر أعلاه صحيح واتحمل ذالك انا عرزاله

الساعه 4:30 عصرا

المكان : مصقورة الرميله

المتواجون : سحله . سكره . عرزاله . سليّم

كل واحد معه في يده صافة تيم الا سليّم في يده عصير طماط

والله يخسى مره دخلت يدي في الجحر واطلع منه داب وعقرب وثلاث قواطي فول الخلطه السريه < هذا سليّم

للي ما يعرف سلّيم ( هذا ولد اخو سكره جاي من الرياض ) وعلى باله فاهم ويتقوى علينا واني قوي واقدر اكل خمسين جعل في لقمة وحده
لا ويفول اني مره وافيت شنسيروا في سوق المقيبره ورقمته
ما علينا

بينما سليم يهذي في السوالف ويشلخ وسكره مال من عمره لان ولد اخته يكذب على عرزاله وسكره يعرف عرزاله زين

وسحله كل شوي يناظر في التيم حقه ويناظر في التيم حقي ما وده تقضي حقته عشان يغايرنا اذا خلصت حقاتنا

اح اح قطوه قطوه وراااها يالله ويعض سحله ثوبه وسكره ياخذ له مربوعه وانا لقطة زبريتي من النوع الفاخر
يوم حطيت رجلي سمعت اخونا في الله سليم يقول ( الحمد لله مابعد شافوا نعمه ) هو قالها وال لا ما درى الا وانا سافه بالزبيريه على وجهه قلت الحين ما بعد شفنا نعمه يوم لحقنا قطوه اجل لو انحن شايفين بسه ؟
وبعدين يالكذوب الربادي تقول اني قوي واصيد ضبان واني اعرف جحر الضب بالريحه
الوعد بكره يالقوي يا طرزان

المهم عود سكره يفك المشكله

خلاص خلاص الوعد بكره يا عرزاله < سكره

ابطى علينا الاشهب سحله وين راح فلعنه
خفنا عليه تظلم الدنيا وانحن ما علمناه عن الروحه باكر
ونروح ندوره ونصوت سحله سحله سحله

واسمع ذاك اللي يون عرزاله .. واقرب شوي والقاه الحمار سحله

تدرون وينه فيه ؟

لقيته في قليب الهيشه ههههههه

الحمار يلحق القطوه وطبت هي في القليب وذا الحمار طب وراها
الله يخلف على امن زقته

تخيلوا شكله وهو في القليب ومعه القطوه

تابعونا

عرزاله · 06-15-2008, 02:41 PM

معك متاااااااابعين

كمل يالله

عرزاله · 06-15-2008, 02:45 PM

اصبري مهوب الحين اكمل

خل ادهن حقلي عقب مصايحي على سحله وانا ادوره
الا ما عندكم وازلين والا فكس ؟

عرزاله · 06-15-2008, 02:56 PM

8
8

عندنا زيت فرامل ...عجل علينا...

عرزاله · 06-15-2008, 02:58 PM

محروق ما يصلح

طيب ما عندكم شامبوا الاحمر القزاز
والا كريمزان ؟

عرزاله · 06-15-2008, 03:06 PM

انت بتتروش والا بتدهن حلدزكـ ؟.؟

وضح عشان ندبركـ...

عرزاله · 06-15-2008, 03:19 PM

يا حبي لك يا عرزاله
بس المشكله انت على باك وراك ما تجي قبل ,,,

أسمع أنا ما راح ادقق عليك في الأملاء أبد أبد
لأنك على النية ورجال طيب من الأولين بس عندي سؤال :

سلّيم ولد أخو سكره ولا ولد أخته ؟؟؟

شكلك مهنا فرق عنه

واصل وأنا متابع لك

عرزاله · 06-15-2008, 04:41 PM

وانا لقطة زبريتي من النوع الفاخر

أكيد أنها أباتشي وإلا انا ما أجيب العلم ..

خفنا عليه تظلم الدنيا وانحن ما علمناه عن الروحه باكر

وإلا ما خفتوا عليه ضعيف أنكم بتروحون وتخلونه خايفين علي روحتكم اللي من بكره والله العيال ...

تخيلوا شكله وهو في القليب ومعه القطوه

أنا أبتخيلكم وأنتم تفلفسون وش لون بتطلعونه .. أحس ان سكره يتفيهم عليكم بحكم أن حياته راحت في العاصمه ..
أما سليم ما فيه أمل يشتغل مخه عقب عصير الطماط اللي لاطه تحت حراره لاهلايب <<<< تنطق مثل ما تكتب
هالشمس البارده <<< لاهلايب وبارده ما تجي ..
ولا تلقي عصير هالطماط محمض منتهيتن متدته عند عبد الله ما شراهـ أحد ويفوووح ..

طيب ما عندكم شامبوا الاحمر القزاز
والا كريمزان ؟

عنطدنا طول الله عمرك مويه نار سلك بها حلقك وبرد علي عمرك بأسيد .. ما فيه مثلها .. إسأل واحد يكرهك ولا تسأل واحد يحبك ..<< تأليف أمثال ..

إلا علي طاري التأليف ما سمعتا عن اللي ألفوا زي سمفونيه بتهوفن اللي غناها مزعل أول حياته

8
8

نسيت أعلمك أني أبعطل باتسر فلا تشره وأنا أخوك مبسوووطن بالحيل ..

.........................

أما أنت يا صداموهـ<<<< شرح لكلمه موهـ دائمآ اللي يأتي بعدها هواش لأنها كلمه ما تبشر بالخير علي قولت الأولين فطموه نوروه حصوه , حمدوه يوسفوه فإذا سمعت أمك تناديك إنحش لأن الأسم الملفوظ ما يبشر بالخير وهكذا ..
نسيت أعلمكم أني دارسن مع سيبويه .. يعني لعد تنادوني إلا حمدويه ..

لعد أشوفك تتلقط علي الناس أخطاء إملائيه لأن مهب كل واحد فاضي يراجع ..

عرزاله ترانا نحتريك عجل .. وأهديك أغنيه للفنان القدير حجاب يا زين عجل و أغنيه ماما ماما يا ماما يا عاليتا المقاما <<<<< بس أص ..

عرزاله · 06-15-2008, 07:19 PM

عرزاله انهج علينا ...

عرزاله · 06-15-2008, 09:56 PM

ماما ماما يا ماما يا عاليتا المقاما

واغنية ماريد الاسعوديه بالعبايه مخفيه

هذي اهدا مني...

عرزاله · 06-16-2008, 02:11 PM

جريح يا حبك للنشده هات وبس

صدام البيت اللي في الصوره اللي في توقيعك مدري احسه انه بيت سعد القحطاني بس وين الهايلكس

حمد ماجات علينا عطلت بالخير قمت تبربر وانت ما تدري قطك حال زين ؟
وبعدين انا ما اسمع الا لكلوديا الشرقيه هههههه

المجازف اصبر فيني حكه في خشمي

جريح وين يبوي قلبتوها ما يسمتعه المطلبون

عرزاله · 06-16-2008, 02:18 PM

صدام البيت اللي في الصوره اللي في توقيعك

انتبه يا عرزاله هذا بيت ولدأخت برزان في تكريت ووش جابه لبيت سعد

المهم ترى الولد ذا معروف عند أهل تكريت بكرهه للمسبه أمثال أخوياك ذا اللي أنت تماشيهم ومغير تسكع في المقاصير أنت وأياهم لايدري عنك ثم يفخخ لكم سياره والا يغشكم بقنبله يدويه على أنها لعبه ترى ما عنده

وبحكم ( والا صن ) أني قريب لأهل تكريت وهي مسقط ( والا صلاله ) رأسي حذرتك شوري عليك لاعاد تماشيهم.

عرزاله · 06-16-2008, 02:22 PM

شكلك تنقب سنونك بجريد نخل

هههههههه ذكرتني بأيام يوم نحاول نتعلم بلوت انا وسحله عقب ما رحنا للرياض الله من الضحك والله يا سحله ما يفرق بين الشيريه والشاص هههه
الا تعال ما ودك تباريني مصاقيل والا اول حيد ؟

عرزاله · 06-16-2008, 02:28 PM

الا تعال ما ودك تباريني مصاقيل والا اول حيد

المصاقيل عندك عبدالعزيز بن دهام
بس مدري هو يلعب إلى هالحين والا لا .

أما أول حيد ما فيه الا ولد صالح بس هالحين ما عاد فيه شده ( والا فتحه ).
أخبر لك ناس في (علقه) حارة في الزلفي يلعبونها الا هالحين , لا وهالأيام شادين حيلهم تراهم مثلنا بس ما عندهم مدلج.

عرزاله · 06-16-2008, 02:34 PM

ماخاس شحمك مع ذا الحر

اكمل رعاك المولى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سأحطم الجميع بإبتسامتي	دلوعة آمهآ	المنتدى العام	6	01-03-2009 10:25 PM
من يوميات عرزاله ..(( 2 ))	عرزاله	حارة الإقلاع والعياره	13	06-02-2008 03:42 PM
وهج الباب عرزاله .....	عرزاله	منتدى الترحيب وعلاقات الأعضاء	14	06-10-2006 02:22 AM
إلا بلى يا عرزاله..	قليب غرير	حارة الإقلاع والعياره	2	04-30-2005 01:20 PM
عرزاله والعود ...	عرزاله	حارة الإقلاع والعياره	6	04-27-2005 01:03 PM

الذين يشاهدون محتوى الموضوع الآن : 1 ( الأعضاء 0 والزوار 1)