السلام عليكم ..
كيف حالكم ؟
«®°·.¸.•°°·.¸¸.•°°·.¸.•°®»المقطع الأول «®°·.¸.•°°·.¸¸.•°°·.¸.•°®»
أميل للعزله وأبعد عن النــاس=مابي عيون الناس تنظر لحالي
قلبي من الاحزان تايه ومنحــاس=وعيني تهل الدمع ياعزتالــي
ما عدت أواطن عقب فرقاه جــلاس=من حزني يالي ماعطاني مجالي
جو السعاده لي تبدل بالاتعــاس=من يوم عني أبعدتك الليالـي
أصيح بسمك كل ماهب نسنـــــاس=جت بريحك لي هبوب الشمالـي
و أذرف دموع الوجد وأقول لاباس=ومن القهر تصفق يميني شمالي
عزت علي فرقاك ياعدم الاجنــاس= ماني عقب فرقاك تايه وسالـي
حبك بقلبي ماله أحدود واقيـاس= حبك حياتي وشوفتك راس مالـي
«®°·.¸.•°°·.¸¸.•°°·.¸.•°®»المقطع الثاني«®°·.¸.•°°·.¸¸.•°°·.¸.•°®»
ياطارد اللي راح خله وملواه=مايستقيم الظل لي أعوج عوده
ولاينفع الندمان قولة حلولاه=جحر ٍ لدغ يمناك لا لا تعود
مد النظر في خلق ربي تمنعاه=إلى انتقص من حال حال ٍ يزوده
الله جعل للمبتلي داه ودواه=وكل ٍ على عزمات قلبه حدوده
«®°·.¸.•°°·.¸¸.•°°·.¸.•°®»المقطع الثالث «®°·.¸.•°°·.¸¸.•°°·.¸.•°®»
يانعمة النسيان يارحمة الله=لولاك أنا عزاه وش كان سويت
لو أذكر اللي كان دقه وجله=ماكان ساعة في حياتي تهنيت
لولاي أسلي خاطري جاه عله=وأرتاح لين أرسل بعض التناهيت
لي ضعت بالنسيان وقتي يدله=وليت ياوقت العنا كان عييت
خل الفكر يرتاح والقلب خله=في غيمة النسيان يلقى بها بيت
أسج بعض الوقت ماهوب كله=وأعود كني ماعن الحال سجيت
أشوف كلش ثابت ٍ في محله=عن واقع الأيام ماكني اقفيت
هذا ضحى شمسي وهذاك ظله=والليل رعشة ساريات المواقيت
«®°·.¸.•°°·.¸¸.•°°·.¸.•°®»المقطع الرابع«®°·.¸.•°°·.¸¸.•°°·.¸.•°®»
ياصاحبي هانت عليك المحبة=لا واحسايف عقب هالك المواثيق
جمر الغضا في وسط قلبي تشبه=نار ٍ حطبها يابسات المعاليق
كاس ٍ مليته بالوفا لاتكبه=خله يبلل بالوصل يابس الريق
صبه بقلبي ثم مله وصبه=وإن كان ودك غرق القلب تغريق
دام الهوى راسي وراسك يهبه=خذ سجة ٍ ترى زمانك توافيق
ترى حلاة العمر مع من تحبه=شخص ٍ تريده من جميع المخاليق
وسلامتكم
منوعات 3
رد : منوعات 3
