اخترت لكم هذه القصيده وهي للشاعر راشد بن حسن الجمعه الملقب ( بالذيب ) كان يشتغل سوّاق في

شركه ارامكو وكانت انظمة ارامكو تمنع السائقين ان يوصلوا المارة الذي يوقفون السواقين ويطلبون

توصيلهم فى طريقهم ..

والشاعر راشد الله يرحمه كان يخالف الانظمه ويكب المارة في طريقه يوم من الايام أشرت له عجوز

ومعها حمار (اكرمكم الله) قالت وصلني يا الأجودي قدام شوي قال ابشيلك بس الحمار .لا ؟ قالت له

خلاص روح الله يستر عليك يجيني الذيب ويشيلني ان شاءالله . تقصد راشد قال لها يا خاله انا راشد

الذيب .. اركبي وابشري بالخير .. وقيل انه توفي عام 1986م وكان شايل معه شخص موصله في طريقه

وحصل لهم حادث رحمه الله .. وله في ذلك قصيدة وشهيرة.




قالها إبن الذيب من هاجوس باله
كلمةٍ يلعب بهـا والبـال زينـي

قالها يومه طرالـه مـا طرالـه
من هواجيسٍ تشيب المرضعينـي

غرّني بعض الرجال بكثر مالـه
مادرى إن الموت في حبل الوتيني

كيف ينفعني وبعض الناس خاله
ما يدوم البيت كان الساس طينـي

ماش وين اللي عوايـده الشكالـه
مثل إبن ظافر حمد ليته يجينـي

الثنا والجـود دايـم فـي خيالـه
علّمـه ظافـر سلـوم الطيّبينـي

جـوّد العليـا ولزّمهـا عيالـه
وأدركوا من علمته دنيـا ودينـي

واهني من باع حظّـه وإشترالـه
سار في درب النبي وأخزا اللعيني

موقفـه ماكـل رجّـالٍ ينـالـه
ومن بغا ممشاه يقعـد مرّتينـي

وكم ذبح من حايلٍ من حر مالـه
وعادته لطمة خشـوم العايلينـي

حالفٍ ماخذ على الطرقي ريالـه
وبالثلاث محرّم إنها مـا تجينـي

لا لقيت اللي على السكّـه لحالـه
يلتفت ويقول : وين المستحينـي

أوقف الموتر حيا وأبغا الجمالـه
يوم ولد اللاش وجهه مـا يلينـي

والطمع في كرّوة الرجلي رذالـه
خصّ به وإن جا مجال الغانميني

والردي في حالةٍ ماهيـب حالـه
يا عوينه مـن كـلام الطيّبينـي

الولد وإن طاب طيبه من خوالـه
بالخوال يسـال قبـل الوالدينـي

وأركبه لعيون من زيـنٍ دلالـه
ما تحاكوا في قفـاه الرامسينـي

ما بغى غيري وأنا مابغا بدالـه
قاعدٍ لي بالرجـا مـدّة سنينـي

ما قعدنا فالعمـل نبغـا الرزالـه
ناخذ العليـا طريـق الفايزينـي

وأشرب الفنجال وأكـب البيالـه
تابـعٍ سلمـي سلـوم الأولينـي




راشد بن حسن بن الذيب العجمي


تحيااااااتي القرم


__________________

تسلم يالقرم على هالقصة الرائعة جاد والقصيدة التي أصبح أحد أبياتها مثلا تتناقله الألسن في كافة أنحاء نجد وهو ( الولد وان طاب طيبه من خواله .. ) .
مع انني كنت ولازلت أحفظ وأسمع عجز البيت على هذا النحو
.. وان تردى تر خواله خايبيني )
شكرا وتسسسسسسسسسسسسسسسلم &&

شكرااااااا عروه بن الورد على المرور الجميل00000

تسلم اخوي القرم وجعل الردى ما ينالك ..
.
عز الله انه ذيب ....
.
تحياتي ... فتى الهيشه ...

جـوّد العليـا ولزّمهـا عيالـه
وأدركوا من علمته دنيـا ودينـي

واهني من باع حظّـه وإشترالـه
سار في درب النبي وأخزا اللعيني

أخوي القرم .. عافاك الله وما قصرت .. اختيار جميل وموفق .. تسلم والله ..

فتى الهـــــــــــــيشه
القصر

شكرا على المرور الجميل

شكراً لك اخي الكريم على هذا المشاركة

مشكوووووووووووور فارس بني زيد على المرور