الوسم خلص وانعدم هطل الامطـار,,,ولخشوم مزن(ن) بالمغيـب انتحـرا
عشنا ثلاث سنين من عـج لغبـار,,,يالله مـن سـو المعاصـي انتبـرا
مـرت بنـا الايـام باشبـاط لاذار,,,والبرد يصرد لـو نجـي وانتـذرا
وليا تطـلا المـرزم بعـدة اشبـار,,,في شهر اغسطس ذقنا بالقيض حرا
واخذت لي مع دو الاشجار مشـوار,,,فيـه الذعيـذع بالعثاميـر يــذرا
قفر(ن) دميث(ن) ما وطا فيه ديـار,,,من عـام الاول والمطاميـن غبـرا
ولا بقا به غيـر مقلـول الاشجـار,,,بقايا عشـرق بالدواعيـب خضـرا
على وطاها قش من عش الاطيـار,,,واشجار جثجاث(ن) على القاع ثبرا
وانا على المقسوم راضي وصبـار,,,ومن لا صبر يحمل على الكتف وزرا
هذا قدر ربـي وهـو رب الاقـدار,,,مشيئتـه كانـت وتتكـون جـبـرا
يالله يـا رب المدايـن والامصـار,,,يرجيك عبد(ن) سورة الكهف يقـرا
ترسل علينا وابـل المـزن مـدرار,,,من غرب ينبع ترزم لشرق شقـرا
سحايب(ن) تفرش مفاسيح الاقفـار,,,يمشي رجيس السيل مع كل مجـرا
فيها الرعد يرزح وتهتـز الاحجـار,,,وابروقهـا بيضـا ومـرات حمـرا
تفرش على سيحاتها كـل الازهـار,,,يصير عشب(ن) في سهل كل صحرا
فيها الزبيدي يشدي لروس الابقـار,,,ويصير عرجونه كمـا راس عجـرا
واستانس وربعي على واهج النـار,,,ناخذ لنا مع فسحـة الوقـت مسـرا
فيها الحباري دورجت صابـه ذيـار,,,ملوبدات(ن) فـي دواعيـب سمـرا
مواسم(ن) ينجع بهـا كـل صقـار,,,ينقل على كفـه وليـف(ن) مضـرا
طير(ن) مخاليبه كما راس مسمـار,,,حر به الريشه على الصـدر شقـرا














( يوسف الخليفة )

888888888888888

شاكـــر لكم مروركم الكريــــــم