يابو متعب الشعب مقهور..

ثرمداوي شقردي · 03-10-2008, 04:33 PM

قولوا لبو متعب ترى الشعب مقهور ** يا خادم البيتين امسك عصاها

ضاعت فلوس الناس مع كل هامور ** ومثلك يعرف البير ويعرف غطاها

من سي لاسوأ وبين عاثر ومعثور ** وسهمك وهو سهمك رموه بخلاها!

كيف اشكي العله على كل دكتور ** والطب عندك وأنت تعرف دواها

ما خافو الله خالق النار والنور ** حتى الأرامل شاركوها بعشاها

يا قلبي اللي فيه نيران وحرور ** ضاقت علي دنياي وسكر فضاها

سوقك بلون الدم بأسباب مغرور ** يضغط على سابك وكسر يداها

في عشر أواخر نرجي الذنب مغفور ** قاموا علينا قومة ٍ ما ورآها

وأعمار صارت دمها اليوم منثور ** وخاب الرجاء بأعمار واللي رجاها

يا ما بنينا فوقها أبراج وقصور ** وراحت سدى والسوق دحدر معاها

كم شاب قال أبغى أتزوج من الحور ** وأفلس وبيره جف ما شاف ماها

وكم راعي أسره أصبح الصبح مفقور ** العيد بكره وأسرته ما كساها

وقمت أتفكر وادرس الرأي والشور ** قلت ازبن لصقر العروبة .. ذراها

بكلمه تجي من عنده اليوم مسرور ** والسوق يرجع عشب يروي ظماها

يا درعنا لا صار بالكون عاصور ** كم صرخة ٍ للناس تسمع صداها

يالحر 00 يابن الحر 00 والحر مخبور ** قاد الحرار الشامخة في سماها

جوني يعزوني على السوق ماجور ** قلت البقا بالشيخ يطفي لظاها

ويرد لون السوق عشبي ويخضور ** مثل علم دار السعود وصفاها

خيرك عميم وشاكر الناس مشكور ** ومزن الحيا عم البلاد وسقاها

انت الرجا بعد الولي تدفع الجور ** واسلم عساك تدوم وتحمي حماها

محطات الرحيل · 03-10-2008, 04:39 PM

مشكور على النقل الرائع والقصيدهـ الأروع ...

واللـــــهـ يخليكـــ لنا ياأبو متعبب ويطـــولـــ بعمـــركـــ

المجــــــــازف · 03-10-2008, 04:42 PM

اختيار اكثر من رائع ..,,,

ثرمداوي شقردي · 03-10-2008, 04:54 PM

اقتباس:

المشاركة الأصلية كتبت بواسطة فخامة الزعيم الهلالي

	مشكور على النقل الرائع والقصيدهـ الأروع ... واللـــــهـ يخليكـــ لنا ياأبو متعبب ويطـــولـــ بعمـــركـــ

اللهمــ آمـــيـــن..وشاكرلك تواجدك..

ثرمداوي شقردي · 03-10-2008, 04:55 PM

اقتباس:

المشاركة الأصلية كتبت بواسطة المجــــــــازف

	اختيار اكثر من رائع ..,,,

ومرور أكثر من راااائع..شكرا..

البروفيسور · 03-10-2008, 05:01 PM

الله يحسن الأوضاع ويجعل أبو متعب سبب لنفتاح الخيرات

يعطيك العافية أخوي ثرمداوي وبيض الله وجهك

تقبل مني الود وخالص الشكر والتقدير
البروفيسور

الدانه · 03-10-2008, 05:39 PM

تسلم والله ياثرمداوي على الأختيار الرائع

ثرمداوي شقردي · 03-10-2008, 06:19 PM

البروفيسور..شاكرلك تواجدك...

ثرمداوي شقردي · 03-10-2008, 06:20 PM

الدانه..ألفــ شكر لكـــ ع المرور..

Exceptional · 03-10-2008, 10:31 PM

قصيده رائعه ,,, مشكووور يالغالي