مما لا يخطر على بال معضم أهالي المملكة أن هناك أماكن لاتصدق أنها هنااااا في بلد الحرمين الشريفين لما فيها من جمال المنظر
وخير دليل منطقه الجنوب الغربية أتمنى الكل يزورها ليعرف كم هي جميله بمناظرها الجذابه
ولكوني مللت من هذه المنطقة (لحفظي لها) فأقدم لكم أجمل الأماكن وأحسنها مع الوصف الدقيق لها بإذن الله وذلك بمناسبة قرب الاجازه الصيفية بعد 3 أشهر.
اولا/ أبها :
1- السوده - تبعد عن ابها 30 كم وتتميز بالضباب والامطار والاشجار والاماكن العاليه والتامل في خلق الله وكل اماكنها ممتازه لكن فيه مكان ممتاز بس يبيلك تبكر وهو بعد ما تخلي السوده خلفك ب4 كم يجيك تفتيش عقبة محائل بعد التفتيش مباشره يجي مسجد خذ يمين الطريق ترابي امش لك 2كم وشف المكان (لاتعليق)..... 2- شلالات المحتطبة- تبعد عن أبها 7كم وطريقها مع طريق السوده بعد ماتمشي معه 4كم يجيك مجمع الزامل على اليسار خذ بعده يسار ابتل 2كم ثم تجيك مدرسه قبلها خذ يمين 1كم ثم يوقف الخط ثم تمشي على رجليك 1كم وشف المناظر والشلالات الطبيعيه ........... بس انصح لحد ينسى سروال السباحه ولا الله يعين ثيابك
ثانيا/ خميس مشيط
:
1- شعيب المربع(نجران) : 10كم عن خميس مشيط على طريق نجران يجيك على اليمين ادخل لك شوي وترى كلما تعمقت في الشعيب تبي تشوف الربيع والاشجار الكبار وان كانك راعي صيد لايفوتك الارانب والنيص..
2- سد تندحه: يبعد 25كم عن خميس مشيط على طريق الرياض القديم (القاعه) وفيه شعيب اسمه (التنور) والله انه شعيب ماقد شفت مثله في حياتي شجر وماء والصور تبون تشوفونها موقعه..... بعد السد 1كم خذ يمين امش لك 3كم ثم يمين 100متر ويجيك الشعيب في وجهك... ومن سأل ماضاع 3-طريق القاعه: هو نفسه طريق الرياض القديم كله حصى كبار منحوته في داخلها جلسات ممتازه
4-شعيب الوادين: 4كم عن خميس مشيط على طريق الواديين كله شجر طلح وازين مافيه قربه والنومه فيه تجيب العافيه بس انتبه لا يقومك ارنب وانت راقد ........... للتحذير هذي المنطقه اكثر منطقه في السعوديه تجمع الديبان (الصل الاسود) يعني لا تنسى دعاء المنزل في أي مكان تنزل فيه
ثالثا/ الواديين:
1- المسقي + منتزه الامير سلطان: 20 كم عن الواديين مع طريق الفرعه يجيك حرف تي خذ يسار 500 متر ثم يمين 1كم ثم يسار ثم تجيك بوابتين يمين بفلوس يسار مجانا وهو للعوائل فقط وقت الصيف ... ويجي في المرتبه الثانيه بعد السوده
[u]2- الحبله: [/U]30 كم عن الوادين وهذا المكان خاااااااص بالشباب فقط بس مافيه الا تطيح مواتر او رفعاها على حصى مافيها اشجار بس فيها خيام......... وانصح الي مايحب المشاكل زيي يبعد عنها لان شبابهم مايخلونك في حالك
ثالثا/ جيزان (جازان):
تبعد عن أبها 300كم عن طريق الساحل مع عقبة ضلع
1- الشقيق: تبعد 100 عن أبها و200 عن جيزان وهو شاطيء نظيف ويوجد فيه شاليهات جميله وشاليهات تبع الجيش في الحريضه .....
[u]2- جزيرة فرسان: [/U]40 كم عن جيزان (بحر) فيه عبارتين(باخره) تتحرك يوميا الساعه 9 صباحا و3.30 مساءا وهي افضل رحله عندي لما فيها من الغزلاااااااان والشواطيء النظيفه والفاضيه (بالصور تبون تحكمون) والتراث القديم.
3- وادي لجب: 300 كم عن ابها مع طريق ابها جيزان 200 كم ثم تاخذ يسار مع طريق الحقو ثم 100كم ويجيك على اليسار.................. اهم شيء 111- ان كان فيه غيوم فالأفضل الابتعاد عن هذه المنطقة لان مخرجها واحد .................................. 222- المنطقه خطره من ناحية الامن لبعد الشرطه عنها فالافضل اخذ الحيطه والحذر بالعربي(سلح نفسك)
4- فيفا: تبعد 150 عن جيزان تفرق مع دوار الداير وانت جاي من ابها يسار تمشي لك 100 كم ثم تجيك يمين بعد ماتفرق يمين طق الثقيل .................. وانت راقي لها شف المزارع يمين ويسار وشف نباتها وشو من لحيه(قااااااااات) علناً
5- سوق الخوبه: يبعد 100 كم عن جيزان مع طريق جرش على الحدود بالضبط ويتميز هالسوق بالرخص ويوجد فيه 111-ببيع الحيونات مثل(الغزلان بس نادر تلقاها(700ريال)- الصقوربأغلب انواعها(حر 1100)- الارانب البريه (الجوز 60)- الوبران البريه(الجوز40)- الدجاج...................... 222- انواع القهوه: بري – خولاني الكيلو في حدود 10 ريال وانواع البهارات.............. 333- انواع الفوكه: المانجا(20في الرياض 50-) التفاح – الرمان.........
وراح اتكلم عن بعض هذي المناطق بشكل موسع مرفقة مع الصور باذن الله
والي يبي أي شيء في هالمنطقه مثل اماكن الصيد ترى ابوزامل حاظر متى تجون احطكم فوق راسي او أي استفسار اخوكم حاضر
هذا اجتهاد شخصي واتمنى من الجميع ان تقدير هذا الشيء وشكراااااااا
رحلة اهالي ثرمداء في الجنوب 
العرض العادي
