بسم الله الرحمن الرحيم
السلام عليكم ورحمة الله وبركاته
من ثمره من ثمرات التعاون أقدمها لكم هنا رغم قِدم الموضوع
قصيدة قامت بأقلام شعرائها
شاشت خيول القاف وسط السراجيف=وأسرجتها يـا حـي فعـل حداهـا
جتكم تعـن ولا تعـرف المناكيـف=ماتلّحـق ياللـي طلبـتـم مـداهـا
وخيالها مـا طـاردوه الحواويـف=ولاهوب عنهـا قايـل (ن)يارداهـا
خيال ماهـو قاعـد(ن) للسواليـف=كلمـه يبديهـا و كلـمـه عـداهـا
أسوق السلام عداد وبـل المقانيـف=وعداد نجمات الدجـا فـي سماهـا
سلام (ن) أحلى من شراب القراقيف=وأخن من ريح النفـل فـي خلاهـا
أسوج رجلي وأتعلـى المشاريـف=وأخيـل بـراق ينوصـف سداهـا
سقوى من القبله مـزون مراديـف=تبـش بهـدى مـن بواكيـر ماهـا
رزق من الله ما غرف بالمغاريـف=ومن فضل ربى ثرمداء مـا نساهـا
من خلقت الدنيـا يذّكـر ولاشيـف=ربيعـه اللـى كـل بهـدى كساهـا
تلقا أم سالم والصعـو والخواطيـف=كل(ن) يجر الصوت بأعلى سماهـا
ربيع يبقـى ليـن تبـدا الخراريـف=ذى لـذة الدنيـا ولعينـى دواهــا
صار النفل ويا الخزامى مواليف=والروض ينعش من دخل في حماها
دار (ن) اهلها سلمهم يكرم الضيف= بــشر بـــعزه والهــنا من لـــفاها
حبى لبهدى عشق ماهـو خذاريـف=أحبهـا واحـب نسـمـة هـواهـا
أجى لها لـو كـل دربـى تكاليـف=يرخص لها ياجاهـل فـى غلاهـا
أزورهـا دوم ولاهــو تناتـيـف=ويرتاح بالـى بأرضهـا وبسماهـا
ذي ديرتي ماهى ديـار الطواويـف=قد حصنوها اجدادنا.شف حماها!!!!
الله يفكك مـن شـرور الصواديـف=يـا ديرتـى ياعـل نفسـي فداهـا
يحلى به الفنجال مع دلـة السيـف=وتمر ةقـدوع كـل خيـر حواهـا
في مقعـد سمـح ومابـه تكاليـف=هـذا رجـا عينـي وغايـة مناهـا
ويا لايمي في حبها يلحقـك حيـف=عسى الرمد لصبي عينـك عماهـا
أنا المدى ولثرمـداء أحـن وأقيـف=وأجيب لجيـاع الضـواري عواهـا
شارك فيها كل من (( راعي الغنم _ المدى ثرمداء _ بنت ابوها _ البانهوف _ العديم ))
رابــــــط المـــــوضــــوع أدخل من هنا 
قصيدة أعضاء المنتدى
