هذه القصيده أعجبتني وحبيت انكم تضحكون معاي،،
واللي يبغى يسمعها ملحنه تراها بشريط ((مهنديات))،،

والقصيدةتحكي عن شاب رايح وهو واثق من نفسه بيخطب له بنيه واللي باين انو يموت فيها،،وصار يقبل بشروط والدها والفلوس ماتهمه اهم شي البنت،،لحد ماوصلت الدعوى للرجوله والاخلاق،،وطفش وترك بنتهم لهم،،

((يمــــــدهــــــــا عز الله انه رجـــال ولد رجـــــال))،،


أول ما نبدى بسم الله
ووجيه الخير نحييها

أهلا هلا يابو عميشه
أول مره ونثنيــــــها

قل لي ياوليدي وش جابك
وأمك ليه انت مخليها

أنا جيتك ودي بنتك
تكفى عمي زوجنيها

أبشر باللي جيت لأجله
بس خمس شروط تلبيها

كل شروطك على راسي
بنتك تطلب وأنا اعطيها

أنا ودي جيب مجنط
وإلا الدداسن ما ابيها

ياعالم هذا اولها
والله يستر من تاليها

وبنتي وده بيت لحاله
يعني فله تسكن فيها

حاضر ياعمي بالفله
لعيون عميشه نبنيها

وتبي خدامه طباخه
تسوي قهوتها وشاهيها

كل شروطك على راسي
عميشه تطلب وأنا اعطيها

وتبي سيارة جديده
وتبي سواق يوديها

امري لله وش اسوي
حتى السياره نشريها

وأمك ياوليدي خرفانه
وبنتي ماتطيق تراعيها

وهذي امي ماله غيري
ولازم بالخير نجازيها

وده خالك والا جارك
والا شف لك صرفه فيها

والله ياعمي زودته
ودليت تحوس بتاليها

هذا شرطي ودك والا
عميشه كلٍ وده فيها

امي عندي تسوى الدنيا
وبنتك عندك مانبيها

اطلع يالخايب من بيتي
والا هالحين اسويها

احفظ كلامك يالشيبه
لا اقلب عاليها واطيها

ملاحظه/ شكل الشاعر قصمنجي يعني حكيه يقلب الراس ماتدري وين البنت من الرجال،،
بس ماعليه حليووووووه،،

مشكووووووووووووووره اختي الريفه

يا حيل الله بتقصم ظهره هالطلبات ......

بس المهتوي يقطع المتسوي هههههههههههههههههه

.
الريفية تحياتي لك ..........

.
.
فتى الهيشه...........

مهيب حليووه



الا



حلوه مره كفو والله ( مديها يا سويده )

الله يعطيك العافيه اختي الريفيه

عبااااااااااااااادي .... الله يهديك

(( مديها يا سويدة ))

ما فاهمها احد والله اعلم بس تصدق انك كاتبها كذا ما لقيت شغل .......

لانها مهيب يم الموضوع ابد ابد ابد ...

او حاجة في نفس يعقوب قضاها ........

على العموم تحياتي لك .....ولجميع الاعضاء وااااسف على الاطالة ..

مسكين هالولد

بس اشوى انه ماتزوجها كان الله يعينه


يسلموو الريفيه


تحياتي لكـ

رااااااااااااااائعه يالريفيه

والله فكه من هالنشبه من أولها && تسلمين.

اخوي عبادي انا سويدة ؟؟ والا هو ؟؟

ياعليكم مصطلحــــــــــــــــــــــات تجنن،،


بس تصدقون فتى الهيشه وعبادي ودي انضم لعائلتكم الموقره الهيشه تراي مرة حبيت البير وتخيلته،،


وش رايكم تسوون إجتماع مغلق وتردون علي؟؟

الريفيه . اما سويده لا انتي ولا هو هي

لاكن مالك دخل ولانتيب المقصوده .

اما بالنسبه للإنظمام اهلا وسهلا بس على شرط ماعننا غطوه

شكراً لك اختي الريفيه على هذا المشاركة

شكراً لك اختي الريفيه على هذه المشاركة

تحياتي لكــ
اخوك الثرمداوي