::::.......:::: تـــعـــدد الإســتــخــــدامات ::::.......::::

11-23-2007, 07:58 PM

أصعب الأشياء أنك تبتكر أو تخترع اختراع جديد ...

بس الأصعب هو كيف تخليه متعدد الإستخدام :

الغرب يصنعون ولكن حنا نزبطه ونفصله ونخليه على طبيعتنا وهوانا ...

خلونا نشوف هالأمثله ... ولكم الحكم ...

المفتاح

1- نشغل به السيارة .
2- نطق به الباب .
3- نحك به الأذن .

البوري

1- نسلم به .
2- ننادي به .
3- نهوش به .

الجريدة

1- نقرأها .
2- نخليها سفرة للعشاء .
3- يحطونها الحريم أرضية لـ دروج المطبخ .

السجادة

1- نحطها ستارة .
2- يلفون الطلاب الكتب بها .
3- يحطونها الشيبان على طبلون السيارة .

المركى

1- نتركى عليه .
2- نحطه طاولة للتليفزيون .
3- نحط الكيرم فوقه .

الزبيرية

1- نلبسها .
2- نجلد بها .
3- نصيد بها البراصي .

معلاق الثياب

1- نعلق به الثياب .
2- ننقز به باب الددسن .
3- نحطه إريل للتلفزيون .

الكفرات

1- يسووون بها مرجيحة .
2- يحطونها معلف للغنم .
3- يخلونها علامة لـ مفرق المزرعة .

صراحة إثبات صريح على ذكائنا الخارق للعادة

وش رايكم شباب ...

وكل واحد يعطينا مثال أنكان عنده ...

خلونا نشوف بعض الأشياء متعددة الإستخدام

شرشبيل · 11-23-2007, 09:24 PM

شف سلمكــ الله ...

هذى يسمونها الاعتماد على الغير وهذى افضل واحسن مميزاتنا...,,,

لذلك سجل عندكـــ

فرشه الشعر بين قوسين المشط ...,,,

نمشط به الشعر ونحك به ظهورنا...,,,

شرشبيل · 11-26-2007, 05:06 PM

فرشه الشعر بين قوسين المشط ...,,,

تقصد ( المكد ) طيب وش به .. ! !

شرشبيل · 11-26-2007, 05:50 PM

والله أنت صاااااااااااااااادق يامشرفنا شرشر

شرشبيل · 11-28-2007, 08:08 PM

التلفزيون نشغلة ونناظرة ونطفية <<<<< فاهم غلط ويبغى يشارك

شرشبيل · 11-29-2007, 04:55 PM

قوطي النيدو...

يحطون فيه السكر ... يخفسونه مع الجهتين وشبونبه الفحم... طفايه فالاستراحه ... مزهريه

شرشبيل · 01-01-2008, 12:49 AM

مووووضوووع حلووووووووووووووووو يعطيك الف عافيه

خذ عندك مثلا الفاره << اقصد الماوس تتستخدمها وبنفس الوقت اذا عصبت على احد تصكه بها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)