أهم قوانين الطبيعة

قانون الاصطفاف:
إذا صاف في سرى بطيء وقمت غيرته، سراك اللي غيرته فجأة يصير يمشي أسرع من اللي انت الحين فيه!!

قانون التلفون:
عمرك ما تتصل على رقم غلط ويطلع مشغول!!

قانون التصليح:
بعد ما يديــنـك يزيتوا من شحم الماكينة، خشمك يبدأ يحك!!

قانون المعدات:
إذا طاح من يدك أي شي، تأكد انه يبي يتـدربى إلى أن يوصل لألعن مكان ما تقدر تطلعه منه!!

قانون الأعذار:
إذا تأخرت عن الدوام وقلت لرئيسك أن كان عندك بنشر في الكفر، اليوم اللي بعده كفرك يبنشر!!

قانون المغطس:
عقب ما تغطس جسمك في الماء، يبدأ التلفون يرررررن وما يسكت!!

قانون الأعطال:
إذا أخذت جهاز عند مصلح أو سيارتك للورشة وتبي توريه انه ما يشتغل، حزتها يشتغل أحلى كلام!!

قانون السينما:
اللي حاجزين كراسي في النص لازم يجون آخر ناس ويدوسون على رجولك!! - يعني انا راعين سينما-

قانون القهوة:
أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك!!

قانون المصادفات:
إذا كنت مع واحد أو وحدة ( تكفى) ماتبي حد يشوفك معهم، فجأة كل اللي تعرفهم يطلعون من كل مكان!!

يامن سلب عقلي ابو غرير بعد طوايف العراوي ياويليه تسنك الحبحر مايجي في شي الا ويزين الا العيون

جعلك العمش شققت طبلتي الخلفيه من الضحك ياخوي ارفق علينا ولاتخترع عشان انحن كسر وانت مفلح تكسر غضايرنا وبس..


استلم قوانيني:

قانون انتبه لنفسك:
اذا كنت في الصفاوالمروا وماسك يدين اميمتك وانسحل احرامك فلحق اربطه لايضهر قشيشك.


قانون خذ لفه واضهر:
اذا كنت في ديره مهيب ديرتك لاتقعد تبترم خذ شغلك واضهر لاتشلخ.

قانون البرد:
اذا دخلت المربعانيه فولم السحيه لاتطبع شماغك بالنخارير.

قانون ياويلك ياسواد ليلك:
اذا شفت ان شهادتك كلها دواير حمر فهج عن البيت لانك مدبوغ لامحاله.

قانون مالي في الطيب نصيب:
اذا دريت ان وليد الجيران مع سيكل وانت مامعك الا عسيب تبترم به فادر انك سبهه