السلام عليكم
هذه عبارة عن قصيده كتبها شخص عندما قال له الدكتور أنك لن تعيش إلا بقدرة قادر.


وكتبها لصاحبه لكي يحب حبيبته لتنساه...

و لا أطيل عليكم..


وصاتي لك ومن بعدي .... تموت فيها عشاني

أبيها تعيش وتحيا بك .... و اظل بالذاكره مفقود

وصاتي لك تنسيها .... ملامح وجهي و تنساني

وتعزفها قصيدة حب .... على عكس اللي عزفته بعود

وصاتي لك تبعدها .... عن أشعاري و قيفاني

تراها مغرمه بالحيل .... ويشهد لي عدد الردود

وصاتي لك تسايرها .... ترى فيها من أحزاني

طلبتك لا يضيق بالي .... طلبتك و الطلب مردود

وصاتي لك تناديها .... حياتي,,عمري,,أزماني

أنا عودتها دايم .... أدلعها و أنا موجود

وصاتي لك تعاملها .... بطيبة قلب و إحساني

تراها تذرف الدمعه .... و دمعتها بليا حدود

وصاتي لك تحفظها .... سور و آيات قراني

وتخبرها عن الميت .... رحل ولايمكنه بيعود

وصاتي لك ترسمها .... على قبري و أكفاني

أبيها لوحه تبقى .... على طول الزمن محدود

وصاتي لك تمازحها .... وتشوف الضحكه باسناني

سعيتك ياحظك بهالكون .... طلبتك لا تصير جلمود

وصاتي لك تقهويها .... من دلالي و فنجالي

تراها تعشق السمرا .... ويكفيها دخون العود

وصاتي لك تركبها .... على خيلي وعلى حصاني

وربى فارسه من قلب .... شهاده ومالها بشهود

وصاتي لك تسفرها .... بلاد الشام و لبناني

ترى يحلالها تقطف .... ورود من بلد الورود

وصاتي لك تراقصها .... على ألحان رحباني

ترى فيها عرق خال .... وفيها من جنون السود

وصاتي لك تحببها .... فأبو نوره بعد هاني

وتنسيها ندم غلطه .... انا فيها ترى المقصود

وصاتي لك تكرها .... في تاريخي و عنواني

أبيها تلعن اللحظه .... وتلعن كل فرح و وعود

و تخليني أنا الظالم .... و انا من حرق الأخدود

وصاتي لك تشبهني .... بدم فاسد حمر قاني

وأنا هالقاتل السفاح .... ومجرم من عصر نمرود

وصاتي لك تحلفها .... تتوب تحبني ثاني

ترى يكفيها ما عانت .... ويكفي حيلها مهدود

وصاتي لك تنسيها .... وصيه قالها لساني

أنا أخبرك رجل موقف .... و أنت قدها و قدود

صديقي ما لقيت غيرك .... يعرف إشلون تنساني

أمانه ضمها بقلبك .... ترى عزيز رحل ما يعود.

تشي غيفارا