لو قالوا لك اني مت...واني تواريت واندفنت
ولو قالوا لك اني رحلت...واني عن ارض الحياة ودعت
ولو سمعت اني رحت...واني لارض الاخره وصلت
ولو دريت اني انتهيت...واني من الدنيا اكتفيت
واني سافرت ولايمكن بيوم اعود
واني انتهيت...ولاترجعني لدنيا وعود
واني خلاص صرت ماضي..صرت شي لايمكن يعود
ياترى بتبكي علي...ولابتسال من تكون
ياترى بتزعل علي....ولا عادي فراقي عندك يهون
ياترى ...بتزورك ضحكتي وضعفي
بتتذكر طيبتي ومزحي
بتندم علي ...بتضيق علي
بتقول
ياريتني ولا لحظه بكيته
ولا خلاص...كل شي فيني نسيته
وكل شي مني وراء ظهرك ...رميته
ياترى...بتتذكر
كيف كنت تحب تسمع ضحكتي
كيف كنت تفرح لما تزورك بسمتي
كيف كنت تتضايق..لما تنزل دمعتي
ياترى...بتتذكر
كيف كنت تحبني
وكيف قلبك بشوقه يضمني
وبس اضحك...كل همومك تختفي
ياترى
بتزورني عند قبري
بتبكي على ترابه
بتدعي لي
بتبكي لي
بتندم على فراقي
بتحاول تحسن اوضاعي
تحاول تزيد حسناتي
بتتصدق عني
ولا الصدمه.................
بس لحظة مايجيك الخبر
وبعدهاااااااااااا بدقايق
بس دقايق
رحلت
