سلام سليم .. من قلب رحيم
ونعوذ بالله من الشيطان الرجيم..
لي شهرين افكر في موضوع
وأحاول وأعصر في بنيات أفكاري بس رافضات
مدري هالأيام وش جايهن بنات أفكاري مستلعنات .. لا مواضيع نقدية ولا مواضيع علمية
وياكافي حتى مواضيع الصرقعة مضربات عنها.. والذاكرة مخبصة <== يالله حسن الخاتمة
عاد فيه بنيتين رحموني وقالوا خلاص بنخليك تكتبين بس شوفي ترانا بريئات من أي دعوة تجي عليتس
قلت مايخالف بس أهم شئ القى سالفة أكتب عنها .. والله ماقصروا يوم ارسلوا لي ذاك البريد وفيه مجموعة من المواضيع
قالوا تخيري اللي تبين ..عاد من هالمنبر أشكر بنيات أفكاري واحدة تلو الواحدة .. بعد أن امنتوا علي بهذي الخدمة
ويالله كلكم اشكروهن
<== معجبة في بنات أفكارها خخخخخخخخخخ عاد عقب ]هالبربرة اللي شطولها وش عرضها
كان يا ماكان وياما حيكون مادامك عايشن في هالكون
في يوم من أيام السنة القمرية وبالتحديد في يوم اكتمال القمر بدرا إنه يوم 14 خرج على هذا الكون
فتاة جميلة بريئة تدعى ( حصة) فرح الأهل والأقربون بها وقدموا لأمها الهدايا والحلويات والشاهي والقهاوي والذهبات والفلوسات <== مسكت خط
وكبرت حصة وأكملت عامها الأول فالثاني وهلمّ جر وغن ياليل ما أطولك ..
وكانت حصة من صغرها تكره شئ اسمه ( كرتون) وكانت تحب أفلام فاتن حمامة . وأفلام الرومانتكتك>>>>حلوها عااد ..
يقولون إن امها ولدتها في يوم
الـhappy valentine ))) ....>>>عيــــد الحب الله لا يبلانا]
وكانت تشوف هالحريم والرياجيل اللي يترقصون ويترنحون قدام عيونها .. والمسكينة تخش جو بقوووة ..
حتى من شدة تاثرها مرة رايحة مع اهلها لسوبر ماركت يوم سألها واحد كم عمرك يا شاطرة
قالت : عُمري ابتدا اللحضة دي <== الأفلام وماتسوي
وكل ليلة اذا جت تنوم تسأل أمها عن هالمراقص والأم تجاوب مع تشفيرات كثيرة
وكبرت البنت ومازالت عآيشة على الافلام وأغاني أم كلثوم وعبد الحليم حافظ ...
والبنت مشكلتها ماعمرها طلعت برا المملكة وعقلها بيطير الا تبي تسافر اي ديرة بس اهم شئ تدخل مرقص
طبعا الاهل مايدرون وش نوايا هالبنت وسالفة حنـّـتــها ورنتها وإلا تبي تسافر .. قام أبوها قال بسوي لبنيتي مفآجأة وبوديها لدولة خلييجية أقرب لنا ونرضي بنيتنا <--- حنون
المهم ويجي أبوها ويقول لها البنت والله وماصدقت ,اخير بيتحقق حلمها وتدخل مرقص <== أمحق حلم
لكن هالبنت اهلها ملتزمين ومشددين عليها يعني ما فيه أمل تخش المراقص ..
لكن البنات الى حطوا شئ في روسهن لازم يسوونه
وسافروا وتوهم داخلين لهالديرة الا وتنقز على راس ابوها وتمطخه بذيك الحبة اللي بغت تشفط محتويات راسه
وقالت نبي نسكن في فندق خمس نجوم <== خبيثة
قال ابوها غالي والطلب رخيص ..
ودخلوا لم هالفندق وتنتظر أهلها بس يبعدون عن عيونها شوي وتطير للرسبيشن وتسأله عندكم مرقص ..؟؟
ذاك وعلامة استفهام على دمجته .. ايه عندنا ديسكو ..
البنت فيها شوي براءة حسبالها مرقص مثل هاللي تشووفه بالتلفزيون فيه شوية أخلاق <--
المهم وتروح للجناح اللي خذوه والأرض مو شايلتها من الفرحة حلم عمري سنين وأنا انتظر هاللحظة وأخيراً
وتنتظر اهلها ينامون بس عشان تطير للمرقص اللي تحت ..
وماصدقت غفت جميع العائلة الا وتنزل هي وأختها اللي أصغر منها ويطقون لك آخر شياكة ويدحدرن على الديسكو...
ويوم وصلوا عنده ويلقون لوحة طويلة عريضة عليها التعليمات .
وقامن يقرن فيها يقالهن بيتبعن القوانين .. أول بند في اللوحة ممنوع الدخول لأقل من سن 18قالوا الحمدالله وعيونهم تتلألأ بدموع الفرح
ويطيرون للبند الثاني ممنوع اخراج أي مشروب خارج الديسكو .. قالت ماعليك من هالشرط حنا جايين نرقص ونوسع صدورنا <== الأخوات داخلات عرس على غفلة
موب راعية شراب الله يكفينا الشر <-- والله وفيك الخير
المهم وهن قاعدات يقرن في هالبنود الا يوم انفتح الباب بقوة وقاموا يسمون على أعمارهن وشافوا هاللمنبات اللي تدور والإزعاج والقلق اللي صاير
قالت الكبيرة للصغيرة سمي بسم الله الرحمن الرحيم وادخلي برجلك اليمين <== الأخت داخلة فلة جديدة هع هع
ودخلوا وتطير عيونهن في هالبنات واللبس اللي لابستها ويناظرون ملابسهم اللي هن لابستها قالوا الله يستر مايطردوننا
عاد ذبحتني اللقافه وقمت سألت بنت أفكاري قلت وش هم لا بسات؟؟؟
قالت الله يغربل عدوينك اقلقتينا حنا قلنا بس نجيب لك سالفة وحدة من سوالف هالبنات لا تدققين على كل شئ
قلت بس معرفته يترتب عليها اشياء مهمة في الماضوع
وبعد حن ورنة بين النكبة قالت كانوا لابسات هالضعيفات فساتين فوق الكعب بشوي
وتوهم قآصين أكمامها في هالجناح اللي خذوهـ <-- اللي هذا لبسهم ينعاف رقصهم
وغدن كنهم من العصر الحجري اللي توهم مكتشفين تلفون <== يلعن أم التشبيه اللي كذا
يناظرون هالأنوار وهالشوش اللي تتطاير ووووو ..... الخ ,ن.ك <== قلبت دفتر مدرسي
واللي ينسحب رأسها فجأة على ورا .. المهم الصغيرة خنقتها العبرة قالت اقول لك خلينا نطلع .. أشكالهم تخووف
قالت أختها انثبري والله منيب طالعة وانا من ذو نعومة أظفاري أحلم بهاللحظة ..>>>>ياهههههو ياللى تعر ف عنقريزى
وفي أثناء هالحوار اللي دار بينهم .. طاحت عين حصة على واحد أطخم كان يناظرها ..
وهالضعيفة ماتعدوت على هالنظرات قامت تحس بدوخة وتقول لأختها : برجّع ماقدر
..<== متعودة علىشباب حيهم
الولد يناظرها مستغرب من هالشكل الغبي اللي في الديسكو .. بس هي حياتي فهمته شئ ثاني
متناسية المثل الشهير المغبر (
مو كل من يناظرك معجب فيك يمكن يتحمد الله على العافية )
والنذل يوم شاف البنت خآقة ورايحةٍ وطي .
قال ورى ما وسع صدري عليها ., وراح لها ومد يده ..
وأختها مسندة لها ظهرها من ورى < == خايفتن لا تنهار قواها :L
وجآء وسلم عليها .
الشاب : ممكن ارقص معاكـ ..؟
حصة : هـا هـا ايه ويشرفني ذلك <== يلعن أم الفلسفة اللي عليها
أختها تقبص في ظهرها وجع لاترقصين معاه وأنا من اقعد معه..؟
وهي ترجفها من ورى <== شاتتها بالكعب
قالت حصة يالله ..
ومدت يدها له لإن الأخت مدروخة من الرومانتيكا اللي صايرة
والولد شوي ويصفقها ( حيل مصدقة نفسها هالحصة )
وراحوا للمكان اللي يرقصون فيه ومامداها توصل الا وأختها تصفر وتصفق <== ضاعت علومها
وعيون كل الموجودين عليها . الين قامت تسحب أصابعها من فمها بخفة من الفشيلة .
والولد بخاطره يقول إما طلعت روحك ..<== لعانة عيال
المهم وبدا يرقص معاها وطول الوقت وهي تقول اقرصني بتأكد أنا بحلم ولا بعلم ..
والخبيث يقرصها لين أزرقت يد هالضعيفة ..
ونص ساعة وهي ترقص معـاهـ لين داخت من التعب .<== الله لايلومها سفر ولا نامت وإزعاج
والولد قام يخبط على وجهها يابنت الحلال اصحي وتجيكم أختها طااااااااااااااااااااااااااااااااااااايرة
حصة ياحصيصة يا أم قصيصه خربتي بيتنا الله يخرب بيت العدو .. وش سويت بأختي الله يآخذ كشرتك
أختي رومانتيك بس مايصلح تجيها فجأة . المهم الجماعة نزلوها على الكراسي وقامت تسطر في أختها حصيصة قومي
وشلون بأرقى لأهلي لحالي وش أقولهم وجع قومي .. وتقعد صياح ونياح ..
وتصارخ بأعلى صوتها يا حصة شوي والناس بتهز على صوتها .. واستسلمت للأمر الواقع وقامت تسحب في اختها
توها واصلة عند الباب الا وينفتح الباب بقوة والبنت دموعها ماليتن وجها وتصقع الباب قالت وجــ .... وماقدرت تكمل
ولا اللي يفتح الباب أبوهم المحترمـ <== وجه خشته مالت
على آخر شياكة..
وضاعت علوم البنت والأبو سحبها من شوشتها على المصعد وهي والله موب أنا اللي قايلته حصة اللي هي قالت بنروح نرقص
وعطاها ذاك الشلوتي وراح يسحب هالدايخة ... ويطير بها للمستشفى وعطوها غذاية
يوم فتحت عيونها ولاها ترقد على السرير الابيض .. والأبو على راسها يلعن ويشتم ..
قال أبوها هذي اللي تبي تطلع برا المملكة عشان تزيد ثقافتها الجغرافية <== وجه كاتم ضحكته
<== أمحق تصريفة اللي تزيد ثقافتها المرقصية
وخذ لعن وشتم والممرضين يهدون فيه يابن الحلال هذي مراهقة ومدامها ماسوت شئ يخل بالعقيدة خلها في حالها
وحصة كل فتحة في وجهها قامت تقطر يا بوي خلاص والله ماعيدها <<< ولا عندتس نية بعد يا,,,,
وبعدين ماتشوف نفسك يومن إنك كاب علبة عطر تبي ترقص وتوسع صدرك ولا حلال عليك حرامن علينا
آآآآآآآآآآآآآآآآآآآآآآآآع
<<< ذروة البكاء عند حصة
وفي هذه الأثناء قالت بنت أفكاري تميميه خلصت الحتوتة وفي رواية
The End
عاد لاتصدقون اللي في القصة أحد يقول بروح أجرب هالمراقص مايجي منها الا البلاوى وانا اميمكم
فى ذات ليلة !!!
رد : فى ذات ليلة !!!
العرض العادي
