بسم الله الرحمن الرحيم
السلام عليكم ورحمة الله وبركاته
لدي عرض مغري لكل من لديه رغبه حقيقيه في امتلاك سيارة عصريه وفارهه ,,
اما طريقة التملك فهي كما تشاء (( على الحول , اقصاد , إجار منتهي بالتمليك , مقامش )) ,,
مثال للمقامش < يعني الموتر مقابل 15طرف وشوزن > ,,
والي بيماطل ماعندنا له الا المحكمه والوعد ابن فنتوخ .
& الان نجي للأهم:
نوع المركبه / مازدا ,,, اسم المركبه / بقره
سنة الصنع / 81 19 م ,,, حالة المركبه / استخدام حشمه {والله انها دايم تحت الشجرة واستخدم سيارتي الثانيه <كعابي> }
اما الموصفات فحدث ولا حرج :
1/ هي جايه اصلا لديوان الملكي بطلبيه بس باعونياه بالخطأ
2/تطمر العرفجه <فيها نشاط حمير>
3/ترا المازدا نفسيه يوم ربع نقره ويوم هندل
4/اعبيها زيت اكثر من البنزيم <انواع النقص> ويشهد محمد علي
5/الشباب مايفرقون بين وبين بشير سواق سيارة الفليت <لاننا سواسيه في العثوره ,هذا إذا ما كنت اعبر منه >
6/القير ثلاثه نقل والرابع مايلقم <يعني الظغط على سته وانواع الحنه بالثالث الين تنا قز بلوفها>
7/الله وكيلك ما اوقفها الا في دحديره لإنها ماتشتغل الا نتش
8/الكفرات جدد توني مركبهن , طقم صواريخ
9/اللون بردقاني لكنك تصافرها مع الشمس والمكده
10/ القزازه الاميه مكسوره عقب يومني اروح لجبال الهملايا عام 51 الصدق ان المازدا مابعد وردت ذاك الوقت لكن لا تدققون , الا ماقلتكم وش كسرها :
وانا معطيه 2 وموجه لقمة الجبل طلع في وجهي هاك الاسد الله لايوفقه <على ان الشارع لي لكن وشتقول ...اسد وبين وبينك خفت منه> اثر الملعون ناوين وهو الي يطمر علي فحطم الزجاجه الله يحطم راسه والله ان كنه فاظخ وحدة من عيوني المراد اني شبكته بأسلوبي وابشركم سلمت من شره .
للجادين فقط والي يستهبل ماله عندي سنع
للإستفسار والمفاهم والمكاسر يرجى الاتصال على 056والباقي ماتغير <على فكره هذا رقم رجل اعمالي .........
ـــــــــــــــــــــــــــــــــــــ
التعديل الأخير تم بواسطة ابونبيل ; 08-01-2007 الساعة 11:57 PM.
من يفتح السوم ........
رد : من يفتح السوم ........